XRISTEǁÎN ÛIǀGAUB

ǃGamme hâ khoena mati ǁîn ǃgammega a ǀgaiǀgai ǁkhā?

Abrahammi tsî Saras tsîra ge a ǃgâi aiǁgau ǃgamme hâ khoen di ra ǀnammi tsî ǃgôasib tsîna ǁgaus ǃnâ-ū. (Gen. 12:11-13; 1Pet. 3:6) Xawe ra ge ǁîra tsîna ǃgamme omi ǃnâ ǃgomsina ge ūhâ-i. ǃGamme hâ khoena Abrahammi tsî Sara hâra di aiǁgausa xu tae-e a ǁkhāǁkhāsen ǁkhā?

ǃHoa-ū gu du re. ǃGamme du hâ khoe-i ga ǀara tamas kai o ǁaixa i hâ amaga ǃgâi tama ǀgaub ǃnâ a ǃhoa-ū du o, o ǃgamǃgamsen hâ ǀgaub ǃnâ ǃeream re. (Gen. 16:5, 6) Hoaǁae ǁaeba ūhâba gu re. Mîn tsî dīgu ǃnâ-ū sadu ǃgamme ǀhōsa-e ǁgau re ama ǀnam nî du a ǃkhaisa. Nēn hoan ǂama ai Jehovaba sadu ǃgammeb ǃnâ ǂgurose ūhâ re Elobmîsa ǀguiba ǁkhāǁkhāsens, ǀgores, tsî ǃoabas ǃnâ-ū. (Aoǁn. 4:12) ǀGaisa ǃgammegu ge Jehovab hîna ge ǃgammega a ǂnûiǂgāba ǃgôasiba ra ǁgau.

ǃGAMME HÂ KHOENA MATI ǁÎN ǃGAMMEGA A ǀGAIǀGAI ǁKHĀ?, DI HÂ VIDIOBA KŌ TSÎ SAO RA DÎDE ǃEREAM RE:

Shaani tsî Kiara hâra ǃgamme oma vidiob ǃnâ mati goro ǂkhabu?
ǂHauǃnâse ǃgamme omi ǃnâ ǃhoa-ūgusa tae-i ǃaroma a ǂhâǂhâsa?
Abrahammi tsî Saras tsîra di aiǁgausa mati Shaani tsî Kiara hâra ge hui?
Shaani tsî Kiara hâra tae-e ge dī ǁîra ǃgammeba ǀgaiǀgais ǃgao?
Tae-e i ǃaroma ra ǃgamme hâ khoera ǃgomsina ūhâ tama ǃgamme oma a ǃâubasen ǁoa?

Collage: ‘How to Strengthen the Marriage Bond’ di hâ vidioba xu hâ ǃâgu. Shaani tsî Kiara hâra ge xūna ra dī ǁîra ǃgameba ǀgaiǀgais ǃaroma. 1. ǁÎra ge tafels ǀams ai ǂnôa kō gu rase. 2. ǃGarise ra ge ǃomde ǃkhōgu hâ. 3. ǃGâiaǂgaob ǀkha ra ge aoǁnâ sîsenni ǃnâ ǀguiba ra sîsen. — Sadu ǃgammeba du ge a ǀgaiǀgai ǁkhā!