XRISTEǁÎN ÛIǀGAUB

Tsēkorobe xoasa ôaǃnâ ti hâ ǂkhanisa xu ǀama i du ra?

Mâ tsēs hoasa du Jehovab ǃoa du nî ǀgū ga Elobmîs xoas tsî ǁguiǃāra ǃâba Tsēkorobe xoasa ôaǃnâ ti hâ ǂkhanisa xu ra khomai? Tsî khomai tama du ka io, mati du nēsa dīsa a ǁnaeti kaisen ǁkhā? ǀNî ǃgâsan ge nē ǂkhanisa ǁgoaga ra khomai. ǁNās ǀkhan ge tsēs ǃnâ khomain go xūna a ǂâiǃgâ ǁkhā. (Jos. 1:8; Psa. 119:97) Mati du noxoba tsēs xoasa xu a ǀama ǁkhā? ǁNā xoas ǂnamipe hâ xoade khomai re i du ǃgâi khaoǃhūba hō. Xoas ta ǃhoaǃgao tsoatsoasa ra ǁguiǃgā Elobmîs ǃâ-i xa ǂâi re. ǁNāpaxū nē tsoatsoasa sadu ûib ǃnâ sîsen-ū re. Elobmîs ga sadu mîǁguiga a daoǁgau o, o i ge sadu ûiba nî ǃgâiǃgâ.—Psa. 119:105.

Betels omaridi ge Tsēkorobe xoasa ôaǃnâ ti hâ ǂkhanisa ǁgoas ǂûs ǁaeb ai ra khomai. Nē go ǃkharu kurigu ǃnâ i ge nē ǃhoaǀhaos di vidioga ǀAWEǁGUIGU TSÎ Ī NÎ XŪN di hâ JW Broadcastings ǃâb ai ra hōhe. Mâ ǁae du ge nē saogu ga ǃnaoǁnā hâ i? Aiǁgause Loti di ǃâs Elobmîs ǃnâ hâsa mati sadu mîǁguiga a tsâǀkha ǁkhā?

TĀ ǃHŪBAIBA ǀNAM (1JHN. 2:15), DI HÂ VIDIOBA KŌ TSÎ SAO RA DÎDE ǃEREAM RE:

Nē ǁgoas ǃoabasa mâ Elobmîs tsoatsoas ai a ǃgaoǃgaosa?
Loti di ǃâs Elobmîs ǃnâ hâsa mati sida ǃhūbaib tamas ka io ǁîb ǃnâ hâ xūna ǀnams di ǁkhōǁkhōsasiba ra ǂkhō?—Gen. 13:12; 14:12; 19:3, 12, 13, 24-26
Mati da ra ǁgau Jehovaba da a ǀnamsa tsî ǃhūbaib ǃnâ hâ xūn ose?

Collage: ǃGâsab ge tsēs xoas tsî ǁnāpa a māsa mîdi tsîn xa hoa tsēsa ra ǂâiǃgâ. 1. Khomaib ra hînab ge ǀhomǃgāgu mati Loti tsî ǁîb omaris tsîna Sodomsa xu ra ǂoa-ū ǀgausa ra mūnan-ai. 2. ǁÎb sîsenni tawab ra ǂû hînab ge noxoba ǁgoagab ge khomai xūn xa ra ǂâiǃgâ. 3. Tsî egab ge noxoba oms tawa ǁîb sarana ǃgâise ra ǂnûise ǁgoagab ge khomai xūn xa ra ǂâiǃgâ. — Mati da tsēs hoasa nî ǁgau Jehovab mîsa da a ǀnamsa?