“ǃHao eloga dībē re”

Jakob ge ge ǂan i Jehovab ǀguib ǃoaba-esa anu hâ ǃkhaisa, nēs ǃoagu i ge noxoba ǁgara-e ǀkhai i xawe. (Eks. 20:3-5) Jehovab ge mîba bi o, îb Betelsa ǃoa oa ob ge Jakoba hoa khoena ge mîmā în ǃhao eloga dībē. Jakob ge ǁnās khaoǃgâ nē eloga ge dībē, nēs ge ǂgaeradi tsîna ge ǃkhōǂgā hâ i hîna ge ǃgaidīb ǃgao gere sîsen-ūhede. (Gen. 35:1-4) Jehovab ge Jakob dīgu ǃgao kaise gere ǃgâiaǂgao.

Sida tsēdi ǃnâ da mati Jehovab ǀguiba a ǃoaba ǁkhā? ǀGui ǂhâǂhâsa xū-i hîna da nî dī-i ge ǃgaidība xu ǂgōsensa. Nēs ge ǃgaidīb ǀkha dīxū-e ūhâ xūn hoan tsî ǁkhoaxa ǁaeba da ra ūhâ ǀgaub tsîna ôaǃnâsa ǃkhōǂgā hâ. Dîsen re: ‘Tita ra kō tamas ka io ra khomai ǂkhanin tsî muvin tsîna vampiren, zombin tsî ǃgaidīb tsîna ūhâ? Tita sâǁaeb ǃnâ ra dī xūna ǃgaidība ǁkhoaxa ǁaeba ūhâs ase ra ǁgau?’ Jehovab ǃhui hâ xūn hoana xu da ge nî hâbē. —Psa. 97:10.

“ǁGÂUABA MÂǃOA RE” DI HÂ VIDIOBA KŌ TSÎ SAO RA DÎDE ǃEREAM RE:

• 

  Palesa di ǀon hâ khoes ûib ǃnâ i ge tae-i ǃgomsiba hā?

• 

  Sida tamas ka io ǂan da a khoe-i ga ǃgomsiba ǃgaidīb ǀkha ūhâ o, o da tae-i ǃaroma ǀhaohâb ǃûi-aogu huiba nî ôa?

• 

  Jehovab xa da ga ǁkhaubahe ǂgao o, o da mâ xūna nî xu nî ǂgōsen?

• Palesasa tae-i ǂhâǂhâsa xū-e ge dī?

• Sadu ra hâba du mâ ǀgaugu ǃnâ ǃgaidība xu a ǂgōsen ǁkhā?