Tae-e da ǂansa ūhâ Xristeǁîna xu a ǁkhāǁkhāsen ǁkhā?

Sida ǀhaohâgu ǃnâ da ge ǁnān hîna ge Jehovaba ǂgui kuriga a ǃoabana ra hō. ǁÎn ge Jehovab ai a ǂgomaiǂnûi ǀgausa xu da ge a ǁkhāǁkhāsen ǁkhā. ǀApeǂhumis ǃnân ge xūna ǃkharu ge ǁaeb ǃnâ gere dīhe ǀgaus xa da ge a dî nî ǁkhā tsî matib ge Jehovaba a hui nîsa în ǃgomsin ǃnâ mâǀgai. Kaira khoe-e da ge sida omaris ǃoabasa ǃoa a ǁkhau ǁkhā tsî ǁî-i ge Jehovab ǃoabas ǃnâ a hōǃâ ǃgâib xa a dîǃnâ ǁkhā.

Kuriga du ga Jehovaba ǃoaba o, o ǂkham khoena māsenxase Jehovab ge hui du ǀgaugu xa mîba re. Jakob tsî Joseb tsîkha ge ǁîkha di suriba Jehovab ge dība kha xūn xa gere mîba. (Gen. 48:21, 22; 50:24, 25) Jehovab ge ega omaris danaga ge mîmā îgu ǁîgu ǀgôana ǁîb di ǃgâi dīgu xa ǁkhāǁkhā. (Deu. 4:9, 10; Psa. 78:4-7) Nēsis tsînan ge ǁgûn tsî ǀnî hân hîna ǀhaohâb ǃnâ hâna, ǂkham khoena Jehovab ge ǁîb ǀapeǂhumis ǃnâ kurigu ǃnâ a dī buruxa xūn xa a mîba ǁkhā.

ǀGUIǃNÂXASIBA ŪHÂ ǀGARAS SIDA SÎSENNI GA ǂKHĀ-E XAWE DI HÂ VIDIOBA KŌ TSÎ SAO RA DÎDE ǃEREAM RE:

• Austriab ǁnâub berosa mati ǃgâsan hîna ge ǀnî ǃhūgu hîna aoǁnâ tsî ǀhaode hâǃnâsa ǂkhā-e hâ ina ge hui?

• ǃGâsana mati ǁîn di ǂgomsa ǀgaisase ge ūhâ ǀgara nē ǃhūgu ǃnâ?

• Tae-i ǃaroman ge ǂgui aoǁnâ-aona Romaniab ǃnâ Jehovab ǀapeǂhumisa xu ǃgû tsî matin ge oaǀkhī?

• Nē aiǁgaude mati sida ǂgomsa ra ǀgaiǀgai?