Mâ kurib hoaba ra hâ kai ǀhaodi—ǀnamma ǁgaus

Tae-i ǃaroma da sada kai ǀhaodi ai ra ǃgâiaǂgao? Isrealǁaes tsēdi khami, da ge sada tsîna ǁnā aiǂhanuba ūhâ, ǂûi khoen Jehovaba ra ǃoaban ǀkha ǀguiba ǁîba ǃoabasa. ǁNāba da ra hō gagasi ǂûna da ge a ǀnam. Nēs ge ra huida ida Jehovaba ǀgū. Sida ǀhōsan tsî omaris khoen ǀkha da ra hâ ǁaeba da ge ra ǃoaǃâ. ǁNā amaga da ge hoa ǃnona tsēde ra hâ ǃnâ ǂgao.

ǀGuiba ǀhaos aiǂhanuba da ga ūhâ o, o da ge tā sada xa ǀgui nî ǂâi, xawe nau khoena da mati ǀnama nî ǁgau ǀgaus xa nî ǂâi. (Gal. 6:10; Heb. 10:24, 25) Sadu ǃgâsana du ga deursa ǁkhopa-amba, tamas ka io du ga sadu ǂhâ hâ ǂnû ǃkhaide ga ra dī o, o du ge ra ǁgau nau khoen xa du ra ǂâisa. (Fil. 2:3, 4) Kai ǀhaodi ge ra huida i da ǀasa ǀhōsana kuru. Programmi tsoatsoas, ǂûs ǁaeb, tamas ka io ǀams ai da ge nî mîǁgui ǀū da a khoe-i ǀkha ǃhoasa. (2Kor. 6:13) Nē ǀhaodi ai da ra kuru ǀhōsan ge nî hâhâ. Khoen ga ǀnama da ra ǁgau ǀgausa mû o, on ge ǁîn tsîna Jehovaba nî ǃoaba tsoatsoa.—Jhn. 13:35.

VIDIOBA ǀHURU RE ‘ǀNAMMI GE TĀTSĒ TOA TIDE’ ǃHŪBAIB ǂAWA SE HÂ KAI ǀHOADI DI HÂBA TSÎ SAO RA DÎDE ǃEREAM RE:

• 

  2019ǁÎ kurib ai ge ǃhūbaib ǂawase hâ-i kai ǀhoadi ain ge, sari-aona mati ǀnama ǁgau-e?

• 

  Tae-i ǃaroma i Jehovab khoen ǁaegu hâ ǂkhîb tsî ǀguiǃaxasib tsîna a ǂoaǂamsa?

• 

  Mâ mâǂoara Xristeǁî ǀnama gu ge ǂGaeǂguira soros ǃgâsaga ǃhoaǃao?

• 

  Xristeǁî ǀnama mati sada ǃgâsana Suid Koriab tsî Germanib ǃnâ ge ǀhaoǀhao?

• Tae-e da nî mîǁgui dīsa?