ǃNona ǀgaugu Jehovab ai da ǂgomaiǂnûi ǁkhāgu

Davib ge Goliata ge ǃkhamdan. Jehovab aib ge ǂgomaiǂnûi hâ i ǃkhais ǃaroma. (1Sam. 17:45) Jehovab ge ǁîb di ǀgaiba. ǁÎb ǃoaba-aon hoan ǃoagu ra ǁgau ǂgao. (2Kro. 16:9) Mati da Jehovab ra māda. Huib ai a ǂgomaiǂnûi ǁkhā. Tsî sada ǂans tsî ǁkhāsigu ais ose? Nē gu ge ǃnona ǀgauga:

• Hoaǁae ǀgore. Tā xū-e du ga dīsas khaoǃgâ ǀgui ǀûbaba ǀgoreba. Xawe tsū xū-e dīs ǀkha du ga ra ǃâitsâhe o. ǀGaiba ǀgoreba re. (Mat. 6:12, 13) Tā Jehovab ǀkhaeba ǀnai du dī hâ. Mîǁguigu ǃaroma ǀgoreba re. Xawe ǁîb di daoǁgaus tsî gā-aisib tsîna. Mîǁguiga du nî dīs aiǃâ ǂgan re.—Jak. 1:5.

• Elobmîsa khomais tsî ǁkhāǁkhāsens ǁnaetiba ūhâ re. Elobmîsa tsēs hoasa khomai re. (Psa. 1:2) Elobmîs aiǁgaudi xa ǂâiǃgâ. Tsî ǁkhāǁkhāsen du ra xūna ûiǂui re. (Jak. 1:23-25) Aoǁnâ sîsenni ǃaroma aiǂhomisen re. Î tā sadu di ǂans ai ǂgomǃgâ. ǀHaohâb ǀhaodi ai du ge ǃgâiba nî hō. ǃAmkuse du ga ais ai ǀnai aiǂhomisen o

• Jehovab ǀapeǂhumis ǀkha ǀguiǃnâxa re. Jehovab ǀapeǂhumisa xu ra hā ǀasa daoǁgaus xa ǂan re. Tsî ǃhaese sao-ai re. (Num. 9:17) ǀHaohâb ǃûi-aogu ra mā ǀapemādi. Tsî daoǁgaudi tsîna ǃgâ re.—Heb. 13:17

ǁGÂIǀĀHESA TĀ ǃAO DI ǀON HÂ VIDIOBA KŌ. TSÎ ǁNĀPAXU SAORA DÎ RA ǃEREAM RE:

• Tae-i ǃaoban ge ǃgâsana gere hōǃâ?

• Tae-e ge hui nî ǁîn ǃaoba sîsenǂams ǀkha?