ǀHûhâsib ǂkhabadīb xa ǃaroma-e hâ tsūkeǃgâgu ǃgao du aiǂhomisa?

Nē ǃhūbaib di ǀams ra ǀgū khami, da ge nî ǃâubasen ǀhûhâsib ǂkhabadīb, terrorismeb tsî torogu tsîn nî ǀarosensa. (J.ǂHa. 6:4) Mati da hā nî ǃgomsin ǃaroma a aiǂhomisen ǁkhā?

• Gagasise aiǂhomisen re: Elobmîs daoǁgaudi tsî ǁkhāǁkhāǃâdi, sadu ǂgomsa Jehovab ǃnâ nî ǀgaiǀgaide ôaǃnâ re. Tsî ǁîb di ǀapeǂhomis ǃnâs tsîna. ǀKhāna ǁhûi tama is ǀkha nî hui du ǃâgu tsîna ôaǃnâ re. (ǂKhm. 12:5; jr-E 125-126 ¶23-24) Nēsi ǀnai ǀgū ǀhōsagusisa ǃgâsan ǀkha omkhâi re.—1Pet. 4:7, 8

• ǂHâ du nî xūna aiǂhomi re: ǀApeǁgui re mati du ǃnorasase nî hâsa. Sadu omsa xu du ga ǂoa ǁoa o. Tsî ǂhâ du hâ xūna ǂâusase oms ǃnâ ūhâ ǀgara re. Sadu omsa xu īs ga ra ǂhâbasa o. ǀApeǁgui re tae-e du nî dīsa. Tsūkeǃgâb ǃaroma du aiǂhomi hâ ǁgarus ǃnâ du kō re taen hâsa. Tsî maskers, ǃomǂgādi tsî mari-i tsîna ǂgā re. ǀHaohâb ǃûi-aoga sadu di selfon nomerde mā re. Tsî ǁîgu di nomerdi tsîna ǂgan re. Î du supuse ǀhao-ūhe ǁkhā.—Jes. 32:2; g17.5-E 3-7

ǂKhabadīb ǁaeb ǃnâ, ǀnai du go ro dī khami, gagasi xūna dī re. (Efe. 5:16) ǂHâbasa tama i ga io, tā doemâ re. (Mat. 10:16) ǂÛn tsî ū du hâ xūna nau khoen ǀkha ǀgoragu re.—Rom. 12:13.

TSŪKEǃGÂGU ǃGAO DU AIǂHOMISEN HÂ?, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:

• Matib Jehovaba a hui da ǁkhā, tsūkeǃgâb ga hā ǁaeb ǃnâ?

• Taena da a dī ǁkhā aiǂhomisens ǃaroma?

• Tsūkeǃgâgu xa tsâǀkhāhe hâ khoena da mati a hui ǁkhā?