ǀAmosib kōse ǃgâiaǂgao re ǂkhinisa sîsenū re Jehovab tsî Jesub ǃnâ ǂgomsa omkhâis ǃaroma

Elobmîsa ra ǁkhāǁkhāsen khoen ge. ǀGaisa ǂgomsa nî omkhâi. Eloban ga ǂan ǂgao o. (Heb. 11:6) ǀAmosib kōse ǃgâiaǂgao re ǂkhinis ge nî hui da ǁîn ǂgaoba tsâǀkhāsa. Nē ǂkhinis ge mâǂoa ra xoade ūhâ. Tsî ǃamkuse ra ǁguiǃā. Khoe-e ra ǂâi kai dîn tsî ǂkhâǃnâ ra vidiogu tsîn ge hâ. ǂKhinis ge îsa ai-īsigu tsîna ūhâ. ǁKhāǁkhāsen ra khoena da ga hui o. Xristeǁî ǀgauba omkhâisa. Tsî Elob ǀkha ǀhōsagusisa kurusa. O da ge mâǁapo nî ǁkhāǁkhāsabe-e ra omkhâi.—1Kor. 3:12-15.

ǀNî khoen ge a ǃgombahe Elob ǀkha ǀhōsagusisa kurusa. ǁÎban a mûǁoa xui-ao. ǁNā-amaga da ge ǁîna nî hui în Jehovaba ǂan. Tsî ǂgomǃgâ ǁkhā.

“ǀAMOSIB KŌSE ǃGÂIAǂGAO RE” ǂKHINISA SÎSENŪ RE, JEHOVAB ǃNÂ ǂGOMSA OMKHÂIS ǃAROMA, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:

• Mati da a ǂan ǃgâsas ge ǃamkuse aiǂhomisen hâ-i sa?

• ǁÎsa mati ǃgâises ǁhûi hâ dîde ge sîsenū. Îs ǁkhāǁkhāsen ra khoesa Jesajab 41:10, 13 xa ra tsâ ǀgausa mû?

• Vidiob tsî xoadi tsîna mati ǁkhāǁkhāsen ra khoesa ge tsâǀkhā?

ǀNî khoen ge xoremarib di ǂâibasensa ǁnâuǃā tama. Tamas ka ion ge Elob ge ǁîna ǁnā ǀkhaeba a māsa ǂgom tama. (Gal. 2:20) ǁNā-amaga da ge ǁîna nî hui în ǂgomsa omkhâi. Xoremarib ǁguibas ǃnâ.

“ǀAMOSIB KŌSE ǃGÂIAǂGAO RE” ǂKHINISA SÎSENŪ RE, JESUB ǃNÂ ǂGOMSA OMKHÂIS ǃAROMA, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:

• Mati da a ǂan ǃgâsab ge ǃamkuse aiǂhomisen hâ-i sa?

• ǁÎba mati “ôaǃnâ” di hâ ǃâba ge sîsenū, îb khoeba hui?

• ǀGoresa tae-i ǃaroma Elobmîsa ra ǁkhāǁkhāsen khoe-e a ǂhâǂhâsaba?