XRISTEǁÎN ÛIǀGAUB
Sadu ǂgomsa ǀgaiǀgai re Elobmîs ǃnâ
Elobmîs ge sida ûiga a dī-ūnu ǁkhā. (Heb. 4:12) ǁÎs di daoǁgaus tsî ǁnamasa xu ǃgâiba hōs ǃaroma da ge nî ǂgomǃgâ nēs a ‘Elob di mîsa.’ (1Tes. 2:13) Mati da nî sida ǂgomsa ǀgaiǀgai Elobmîs ǃnâ?
ǂKhari ǃâb Elobmîs diba tsēs hoasa khomai re. Tsî khomai du ra khami ǁgauǁgauna kē re, Jehovab a ǁîs di xoa-aosa. Aiǁgause kō re ǀapemās hîna ǂKhoamîdi ǂkhinis ǃnâ ra hō-esa. Tsî mû re mati i ǁnāpa hâ xūna nētsē sida ûib ǃnâ a sîsenūhe ǁkhā ǀgausa.—ǂKhm. 13:20; 14:30.
ǁKhāǁkhāsens di ǀapeǁguiba ǂgaekhâi re. ǂAnsa omkhâi re î du mû Elobmîs ǃgomǂgāǃnâhe hâsa. Research Guide ǂkhinib Jehovab ǃoaba-aon dib ǃnâ, xoaǂams “The Bible” tsî ǁnāpaxu “Inspired by God” di hâ ra tawa kō re. Sadu ǂgoms tsîna du ge a ǀgaiǀgai ǁkhā, Elobmîs di haisi-ams dawahe tama hâsa, ǃgāǃgā ra ǃâb A3 sa du ga New World Translation Elobmîs ǃnâ ga ra kō o.
TAE-I ǃAROMA DA ELOBMÎSA RA ǂGOMǃGÂ, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:
Mati i tempeli miri hîna ge Karnaki tsî Egipteb ǃnâ a hō-eba Elobmîs di amaba ra ǁgauǂui?
Mati da a ǂan Elobmîs di haisi-ams dawa tamasa?
Elobmîs nētsēs kōse hâsa mati io ra ǂgomǃgâ kai da, ǁîs amabes ǃnâ a Elob di mîsa?—Khomai re Jesajab 40:8