XRISTEǁÎN ÛIǀGAUB
Jehovaba ǃoaba ǀû hâ khoena xu ǁkhaubasen re
ǁGâuab tsî ǁîb sao-aon tsîn ge amab tsî ǂhumib tsîna ra ǀhaoǀhao, sida ǂgomsa ǂhabuǂhabus ǃaroma. (2Kor. 11:3) Aiǁguase Asiriaǁîn ge ǃkhare amab tsî ǂhumib tsîna gere sîsenū. Jehovab khoena ǂhabuǂâi kais ǃaroma. (2Kro. 32:10-15) Jehovaba ǃoaba ǀû hâ khoen ge ǁkhā ǀgauba nētsē ra sîsenū. Mati da Jehovaba ǃoaba ǀû hâ khoen ǁkhāǁkhādi ǃoagu nî tanisen? ǁÎna da ge ǃgāxa khoen ase ra mû. Tā ǁîna xu ra hā xūna khomai tsî ǃeream. Tamas ka io nauna ǁgamba. Jehovab tsî ǁîb ǀapeǂhumis xa nî îganǀgē kai da xūna da ge mûǂan tsî ǁîna xu nî ǂgōsen.—Jud. 3, 4.
ǃGARISE ǃKHAM RE Î ‘SADU ǂGOMSA ǁKHAUBA’—ǃNUBUǃNUBUSA ǃÂB. TI ǀON HÂ VIDIOBA ǀHURU. TSÎ ǁNĀPAXU SAORA DÎDE ǃEREAM RE:
Tae-i ǃaroma da nî ǂanbasen internetsa da ga sîsenū o?
Romeǁîn 16:17 ǃnâ māsa ǀapemāsa da mati a sao ǁkhā?