XRISTEǁÎN ÛIǀGAUB

Elob ǃnâ ǂgom tama khoena hui re, în ǁîn Kuru-aob ǃnâ ǂgom

Elob ǃnâ ǂgom tama khoena aoǁnânabasa xu du ra ǃkhō-oasen, ǁîn tātsē ǃgâ tide ti du ra ǂâi amaga? Ti i ka io ǂâis ǃnâ ūhâ re, ǂgui khoen hîna ge Elob ǃnâ ǂgom tama hâ în ge ega ge Jehovab di ǃoaba-ao kai. ǃNāsa ǁaegu ain ge huib ǀguiba ǂhâhâ, în ǁgauǁgauna ôaǃnâ, Elob ama hâ ǃkhaisa.—Rom. 1:20; 10:14.

ǂÂIS ǃNÂ ŪHÂ—ǂGOMSA ŪHÂ TAMA KHOEN GE ǂGOMSA HŌǁKHĀ—ELOB ǃNÂ ǂGOM TAMA HÂ KHOEN, TI ǀON HÂ VIDIOBA ǀHURU. TSÎ ǁNĀPAXU SAO RA DÎSA ǃEREAM RE:

Tommasob aiǁgausa mati ra huidu, î du ǃgâi mûǂuiba ūhâ, Elob ǃnâ ǂgom tama khoena aoǁnâbasa?

Sadu ǃereams

Nēs nî dīhe ǀgaus

Khoe-i ga mî o, ǁî-i ge Elob ǃnâ ǂgom tama hâ ti. ǁÎ-e ǃgâi ǀgaub ǃnâ ǁgau re ǁîb di ǂâi ǀgaub. Tsî tsâsigu ǃnâ du ǃgâiǃgâibasensa ūhâ ǃkhaisa. (2Tim. 2:24) ǁÎ-i ǃgâiǃgâibasensa ūhâ ǃnâ hâ xūn xa ǃhoa re. Kuru-aob hâsa ra ǁgau, ǁgauǁgauna ǃhaoǃgaos ǃnâb ǃgâiǃgâibasensa ūhâ? Ti i nî īs ga o ǁnā xū-e ra ǃhoaǃgao ǂkhinin tsî vidion tsîna sîsenū re. Was Life Created? tsî The Origin of Life—Five Questions Worth Asking di ǀon hâ ǂkhini kha ge sida ǁkhāǁkhās boksis ǃnâ ǀarosa, î da supuse hō ǁkhā.

ǂGuro du ge ǀnîsi a înganǀgē ǁkhā Elob ǃnâ ǂgom tama khoe-i ǀkha Elobmîs xa ǃhoasa. Mati io du ǂansa ūhâ aoǁnâ-ao-i ai huiba ǂgan tama hâ? ǂÂis ǃnâ ūhâ re Jehovab tsîn ge a huida ǁkhā, î da ǁnān hîna ǃgâiǃgâibasensa ūhân di ǂgao ga tsâǀkhā. ǁÎb ama hâ ǃkhaisan ga ǂgom tama i xawe.—ǃNǃkh. 13:48.