APRILI 1-7
PSALMDI 23-25
4ǁÎ ǁnaetsanas tsî ǀgores | Tsoatsoas ǃkhōǀhaos (1 haib)
1. ‘Jehovab ge ti ǃûi-aoba’
(10 haigu)
Jehovab ge ra ǂgaeǂgui da (Psa. 23:1-3; w11-E 5/1 31 ¶3)
Jehovab ge ra sâu da (Psa. 23:4; w11-E 5/1 31 ¶4)
Jehovab ge ra ǂûma da (Psa. 23:5; w11-E 5/1 31 ¶5)
Jehovab ge ǁîb di ǃoaba-aona a ǀnam, ǃûi-aob hîna ǁîb di gūna ra kōǃâb khami.
DÎSEN RE, ‘Matib Jehovaba tita ra kōǃâ?’
2. Gagasi xūn:
(10 haigu)
Psa. 23:3—Mâ ga ‘ǂhanu-aisib di daoga’ tsî tae-e nî hui da î da tā ǁîga xu ǂgō? (w11-E 2/15 24 ¶1-3)
Mâ gagasi xūna du nē wehkeb Elobmîs khomaiǃâsa xu ra ǀgoragu ǂgao?
3. Elobmîs khomai ǃâs
(4 haigu) Psa. 23:1–24:10 (th 5ǁî ǁkhāǁkhāǃâs)
4. ǁGamǀhaosa tsoatsoas
(3 haigu) ǃKHAIN TAWA DA RA ǀHAO-U KHOENA AOǁNÂBAS. ǂKhâǃnâra Elobmîs xoasa khoe-i ǀkha ǀgoragu re hîna ra mî-e ǁî-î ge ǃhūbaib xa ra ǂâiǂhânsen. (lmd 2ǁî ǁkhāǁkhāǃâs 5ǁî ǃhoaǃâs)
5. ǁKhawa saris
(4 haigu) OMSA XU OMS ǀKHA AOǁNÂS. ǀAmosib kōse ǃgâiaǂgao re ǂkhinisa ge ūǃoa khoe-e Elobmîs ǁkhāǁkhās ra dīhe ǀgauba ǁgau re. (lmd 9ǁî ǁkhāǁkhāǃâs 3ǁî ǃhoaǃâs)
6. ǁkhāǁkhāsabe dī
54ǁÎ ǁnaetsanas
7. ǃHaokhoe-i domma da ge ǃgâ tama
(15 haigu) ǃHoaǀhaos.
Gūn ge ǁîn di ǃûi-aob di domma ǃgâise ǂan. Xawen ga ǀkhara domma ǁnâu, on ge ra ǃhoebē. (Jhn. 10:5) ǁKhā ǀgaub ǃnâ da ge sida ǀnamxaǃnâ gagasi ǃûi-aogu, Jehovab tsî Jesub di domga ra ǃgâ. (Psa. 23:1; Jhn. 10:11) Xawe da ge ǃhaokhoen hîna sida di ǂgomsa “ǁau ǃhoaxūn” ǀkha ra ǂhabu kai ǂgaona ǃgâ tama.—2Pet. 2:1, 3.
Genesis 3ǁî danaǃâs ge ǃhaokhoe dommi hîna ǂguroǃnâs ase ǃhūbaib ai ge ǁnâuheb xa ra ǁguiǃā. Satanni ge Evasa ǀaob ǃnâ-ū gere ǃhao-ū, îs ǁîsa tā ǂan hami amabes ǃnâ ǁîs ǀkha gere ǃhoasa. ǁÎb ge ǁîs ǀhō-i khami gere tanisen tsî Jehovab mîdi tsî ǂâibasens xa gere ǂhumi. Evas ge ge ǃgâ tsî i ge nēsa ǁîs tsî ǁîs omarisa ǁhōǁhōsa ǃgomsiba ge ǃaromaba.
Nētsēs tsînab ge Satana ra dī tsâ Jehovab tsî ǁîb di ǀapeǂhumis xa îganǀgē kai da sa, ama tama ǂhumi ǂhôana mîs ǃnâ-ū. ǃHaokhoe-i domma da ga ǁnâu o da ge nî ǃkhoebē. ǃNūbu ǁaeroba ǃgâs tsîn ge a ǁhōǁhōsa ǁkhā. Matikō mîdeb Satana ge ǂhâhâ i, îb Evasa ǁnā ǃnūbu ǁaerob ǃnâ ǂgaeǂhapu? (Gen. 3:1, 4, 5) Mati du nî dī sadu a ǂan tsî a ǀnam khoe-i ga ǃgâi tama ǂhôahe sadu ǀkha Jehovab ǀapeǂhumis xa ǀgoragu ǂgao o.
Vidioba ǀhuru re ‘ǃHaokhoe-i domma tā ǃgâ.’ ǁNāpaxu ǃgâ-aona dî re:
Tae-e du Jade’s ge tanisen ǀgauba xu ǁkhāǁkhāsen. ǁÎs di mamas hîna Jehovaba ǃoaba tama hâs ge Jehovab di ǀapeǂhumis xa ǃgâi tama ǂhôahe gere ǀgora gu ǂgao o?