Arin ǃaroma hâ ǃgâi xūn

“Jehovab ǃoaba-aon ge khoen ǀguina ǃgôasiba ge ǁgau tama hâ i. Xawe ti arikha tsîna ǃgâise gere hâ-ū. ǀGui tsēs ge Elaines hîna ge trolis xōǀkhā mâ îsa. Ti ǀgam arikha biscuit-e ge mā. ǁNā tsēsa xu gu ge arikha karkisa gu ga mû o. Trolisa ǃoa gere ī ǂgao i gu biscuit na sī māhe.”

“ǁKhâgu ge ge ǃkharu. Arigu ge biscuitan xa kaise ge ǃgâibahe i. Tsî ta ge tita tsîna ǁgamǁaredi hîna ta ge. Jehovab ǃoaba-aon ǀkha ūhâ i di xa ge ǃgâibahe i. Xawe ta ge ǁîn ǀkha kaise ge ǃhoa ǂgao tama hâ i. 70 kurina ta ge ge ǃnā hâ i. Tsî ta ge ge ǀū i tae-en ge Jehovab ǃoaba-aona gere ǂgomsa. Tita ge ǂgui kerkegu xa ǂkhabuǂâi kaihe hâ i amaga. ǁNā-amaga ta ge ge mîǁgui i ta aitsama Elobmîsa ôaǃnâ.

“ǁNā ǁaeb ǃnâ ta ge ǀnî hâ khoen Jehovaba ra ǃoaban tsîna ge mû. ǃKharagagu ǃâgu ǃās digu ǃnân trolidi xōǀkhā māse. ǁÎn tsîn ge kaise ge khoexaǃnâ i. ǁÎn ge ge māsenxa i, în khoen ūhâ dîde Elobmîsa xu ǃeream. Tsî ǀams ai i ge ti ǂgomǃgâsiba ǁîn ǃnâ ge ǀgai.

“ǀGuitsēs ge, Elaine sa ge dî, ‘ǂGom i du ra xamarin Eloba xu hâ ǀkhaesa?’ O ta ge, Îo, ti ge ǃeream amabes ǃnâ ta ra ǂgom. Os ge Elaine sa Jesajab 11:6-9 sa tita ǀkha ge ǀgoragu. ǁNās ge hoa xūna ge dawa. ǂKhanina ta ge ǁnā ǁaeb ai ū ǂgao tama hâ i xawes tsîna.

“Tsî sao ra tsēdi ǃnâ ta ge ǃnubu. Tsî kaise ǃgâi ǁgamǀhaode Elaines tsî ǁîs aob Brenti ǀkha ge ūhâ i. Xawe ra ge ge mîbate î ta. Mateuba xu ǃNaeǃkhaidi kōse khomai. Î ta ǁnâuǃā tae-i ra ǂgaoǀkhāsa Xristeǁî kais ǃaroma. O ta ge ge khomai. Kaxus tsîna î-i tama hîna ta ge Elobmîs ǁkhāǁkhāsa Elaines tsî Brent hâra ǀkha ge ūǃoa. ǁNās ge 2016ǁî kurib di ǁaegub ǃnâ ge isa.

“Tita ge ti Elobmîs ǁkhāǁkhāsens tsî ǀhaode hâǃnâsa ǃoa gere mûǂui. Kaise ta ge ǀkhaehe hâ tsî ǂkhîse gere tsâ. Elobmîs tae-e ra ǁkhāǁkhāsa ta ge ǁkhāǁkhāsen o. ǀGui kuriba ǃkharu tsî ta ge ge ǁāǁnâsa ǃoaba-ao kai. Nēsi ta 79 kurin ǃnâ hâ xawe. Ta ge a ǂan ama daob ai ta hâ ǃkhaisa. Jehovab ge kaise ǀkhae te hâ. ǁÎb ǁāǁnâsa ǃoaba-aon ǃâ kai teb ge o.”