ǂÂiho i du ra?

Nē kurib di ǃKhē xu ǂgō-ommi ǁkhāǁkhāǃâde du ǃamkuse khomai hâ? Kō re, sao ra dîde du a ǃeream ǁkhā ǃkhaisa:

Mâ ǀgaugu ǃnâs tsîna da ǃgâiba a hō ǁkhā. Jehovaba ǃoa da ga ǀgore, ǁîba ǃgâ tsî ǁîb xa ga ra ǂâi o?

ǃGâi mîǁguiga dī, ǃgâi ǁkhāǁkhā-ao kai. Tsîs ge ǂgomsa nî ǀgai. Tsî sadu Jehovaba ūba hâ ǀnammi ge nî kai.w22.01, 30-31ǁî ǂhawekha.

Jehovab tsî ǁîb ǂnûǁkhaeba-aoga ǂgomǃgâsa mati nî hui da?

Nēb ge ǁaeb hîna da Jehovab xūna ra dī ǀgauba nî ǂgomǃgâba. ǁNās ge ǀhaohâb ǃûi-aogu ra mā daoǁgaudi tsî mîǁguiga îganǀgē tamase saosa. Kai ǁgâiǀāb gara hā, o da ge nî supubahe daoǁgaudi hîna da ǁnâuǃā tama hâde ǁnâuǀnamsa.—w22.02, 4-6ǁî ǂhawegu.

ǀHomǃgāba tae-e gere ǂâibasen Saxariabab ge mîba, ‘ǀhaiǀuriǃgomman ga Serubabeli ǃomǁae’ hâ o di? (Sax. 4:8-10)

ǀHomǃgāb mîdi ge Elob khoena ge ǁgau. Tempeli ga ǂguro tempeli khami îsa tama i. Xaweb ga omhe toa, ob Jehovab ǂhâba hâ khami nî isa.—w22.03, 16-17ǁî ǂhawekha.

ǃGâi “aiǁgause” du ī, ǃhoa du ra xūn ǃnâ? (1Tim. 4:12)

Sida ge ǃgâi ǀgaub tsî ǃgôasib ǀkha nî ǃhoa aoǁnâ sîsenni ǃnâ. ǂGaob ǃgamsiba xu ǁnae tsî hoaǁae ǀhaodi tawa nî ǃeream. Amaba ǃhoa-ūgu tsî omkhâi ra xūn xa nî ǃhoa. Tsî nî ǂgōsen, ‘ǃaugusa’ xu.—w22.04, 6-9ǁî ǂhawegu.

Tae-i ǃaroma i Danieli 7ǁî danaǃâs ǃnâ hâ 4 ǀgurugu di ǀgauga. ǂHaiǂhais 13:1, 2 ǃnâ ǀgui ǀgurub ase ra ǁguiǃāhe?

ǂHaiǂhais 13ǁî danaǃâs ǃnâ hâ ǀgurub ge, ǀgui gaosib ǀguiba ǂnûǁkhaeba tama hâ. Aiǁgause, Romeb khami. Xaweb ge nē ǀguruba hoa politiek ǃnandi. Hîna khoena nēsis kōse ra ǂgaeǂguina ra ǂnûǁkhaeba.—w22.05, 9ǁî ǂhaweb.

Mati da ǂgomǃgâsiba Jehovab ǂhanu-aisib ǃnâ a ǁgau ǁkhā?

Khoe-i ga mîǁgaiǁgai da, tsūdī da tamas ka io sida ǃoagu a ǁore o. O da ge ǁaixa hâse tā nî hâ ǀgara. Î da Jehovaba ǂgomǃgâ tsî hoa xūna ǁîb ǃomǁae xū. Ob ge Jehovaba hoa ǁgai xūn. Hîna ǁoreb xa ǃaromahe hâna nî dī-ūnu.—w22.06, 10-11ǁî ǂhawekha.

ǀHaohâb ǀhaodi dawa ra ǀgore ǃgâsaba tae-e ǂâis ǃnâ nî ūhâ?

ǀGoredi ge tā ǀhaohâba ǁnamas tsî ǂanǂande dīs ǃaroma nî sîsenūhe. ǃGōsase i ge ǀhaos aiǃâ, ‘ǂgui’ mîde sîsenūsa ǂhâbasa tama hâ. (Mat. 6:7)—w22.07, 24-25ǁî ǂhawekha.

Mâ ǀgaub ǃnân ǁnān hîna ‘ǁgai xūna’ ra dīna “ǀgoraǃgâs” di khâisa nî hōǃâ? (Jhn. 5:29)

ǁÎn ge ǁgai ǀgaub ǃnâ ǀgoraǃgâhe tide, ǃkharuge ǁaeb ǃnân gere ûis ǃoagu. Xawen ge khâis khaoǃgân ra ûiǀgaub ǃoagu nî ǀgoraǃgâhe.—w22.09, 18ǁî ǂhaweb.

ǃGâsab J. F. Rutherforda tae-e Septemberi 1922ǁî kurib ǀkharib kai ǀhaos tawa ge mî?

Cedar Point, Ohio, Amerikab ǃnâb ge ǁîba ge ǂanǂan: “Mû re, Gao-aob ge ra ǂgaeǂgui! ǁGaumâisa du ge ūhâ hoa khoena nēs xa mîbasa. ǁNā-amaga ǂanǂan, ǂanǂan, ǂanǂan, Gao-aob tsî ǁîb di Gaosiba!”—w22.10, 3-5ǁî ǂhawegu.

Mâ ǃnona ǀgaugu ǃnâb Eloba ra hui da mâǀgaisa Jesajab 30ǁî danaǃâs ǃoagu?

Nē danaǃâs ge ra ǁgau Elob (1) ǃgaoǃgâxase ǃgâ tsî sida ǀgorede ǁnâu-am, (2) daoǁgaude māda. Tsî (3) ǀkhaega nēsi tsî hānîǁaeb ǃnâ nî mādasa.—w22.11, 9ǁî ǂhaweb.

Tae-i ǃaroma da a mî ǁkhā Psalmdi 37:10, 11 tsî 29 ǃnâ hâ mîdi. ǃKharuge ǁaeb ǃnâ dīǀoaǀoahe tsî hānîǁaeb ǃnâs tsîna nî dīǀoaǀoahesa?

Davib mîdi ge Salomob ǂgaeǂguis ǃnâs ge Israelǁaesa gere hōǃâ ǀkhaeb xa ra ǃhoa. Tsî Jesub ge hānîǁaeb paradais xab ge ǃhoa o, o 11ǁî versa ǃoa ge ǁnaeǁgau. (Mat. 5:5; Luk. 23:43)—w22.12, 8-10ǁî ǂhawegu tsî 14ǁî ǂhaweb.