Dītsâ re î Elobmîs ǃnâ ǀasa xūna ǁkhāǁkhāsen

ǁKhāǁkhāsen tsoatsoa da nîs aiǃâ da ge dîsen ǁkhā: ‘Tae-e ǁkhāǁkhāsensa ta nî ǃâubasen?’ Xawe da ge nî ǂanbasen î-i tā sida ra ǁkhāǁkhāsen ǂgao xūna, Jehovab ra ǁkhāǁkhā da ǂgao xūna xu ǁkhae da. Mati da Jehovab ra ǁkhāǁkhā da ǂgao xū-e nî ǃgâ?

Gā-aisiba ǀgores ǃnâ ǂgan. Jehovaba ǂgan re îb hui du ǁnâuǃāsa tae-e du nēsi nî ǁkhāǁkhāsensa. (Jak. 1:5) ǀNai du a ǂan xūn ai ǂgomǃgâsa xu ǂgōsen.—ǂKhm. 3:​5, 6.

Mā-am re î-i Elobmîs ǀgaiba sa ûib ǃnâ sîsen. “Elob di mîs ge ûitsama.” (Heb. 4:12) Elob di ûitsama “mîs” ge khomai da ra ǃnās hoasa ǀasa xū-e sida ûigu ǃnâ a ǁkhāǁkhā da ǁkhā. Xawe ǁnās ge Elob xū-e ra ǁkhāǁkhā da ǂgaosa da ga ǂanǃgâ o ǀgui a īǁkhā.

Jehovab ra sîsenū xūn hoana ǃgôaǃgâ re. ǁÎb gagasi ǂû-i ge “ǃgomǀgausa ǂûn tsî ǂoaǂamsa ǂauxûib” di ǁâudīb khami ī. (Jes. 25:6) ǁKhoaxabahe du tide ti du ra ǂâi xūna ūriǃnâsa xu ǂgōsen. Nēsa du ga dī o du ge ra mā-am, îb Eloba hui du ǃgâi khoe kaisa tsî du ge ǁkhāǁkhāsens xa nî ǃgâibahe.