Elobmîsa spils ase sîsenū

ǁKhāǁkhāsabeb Jakobub ge Elobmîsa spils ǀkha ra ǀgopeǀnō, hui da ra sa î da mâǃnôa khoeda asa kō. (Jak. 1:​22-25) Mati da Elobmîsa ǃgâise spils ase sîsenū ǁkhā?

ǂŌrisase khomai re. ǃKhaese ta ga kōsen, o da ge ǀnî xūna mû tide tamas ka io nî mû ǃkharu. ǁKhā ǀgaub ǃnâ da ga Elobmîsa ǃkhaese khomai, o da ge ǀnîsi da a dawa ǁkhā xū-e mû tide. Nēsa dīs ǃaroma da ge Elobmîsa ǂōrisase nî khomai.

ǃGâiǃgâi ǁkhāts a xūna kō re tsî tā naun ai kō. ǀNî ǁaegu ai da ge kōsen da ga o nau khoen soma a mû ǁkhā. Tsî da ge nau khoen ra mûsen ǀgaub ai ǂâisa ǂnûi ǁkhā. ǁKhā ǀgaub ai da ge Elobmîsa nau khoena ǂâis ǃnâ ūhâse a khomai ǁkhā. Xawe nēs ge aitsama hî-ūnusens ǀkha hui da tide.

Sa ǁkhāsiba ǂâis ǃnâ ūhâ. Spils ǃnâ kōsen tsî da ga ǃgâiba da tama xūn ǀguina mû, o da ge a ǂkhabuǂâi ǁkhā. Elobmîsa da ga khomai, o da ge sida ǁkhāsiba ǂâis ǃnâ nî ūhâ tsî tā ǃnāsa-e sida xu nî ǃâubasen.—Jak. 3:17.