Jesub ge toroga nî ǀam kai

Jesub ge ǃhūbaib aib ge hâ i o, khoenab kaise a ǀnamsa ge ǁgau. ǁÎb ǀnammi ge kaise ge kai i tsîb ge ǁîb ûiba ǁîn ǃaroma ge mā. (Mateub 20:28; Johaneb 15:13) ǀGū ǁaeb ge ǁkhapa khoenab ūba hâ ǀnamma nî ǁgau, Elob Gaosib Gao-aob aseb ūhâ ǀgaiba sîsenū tsî ‘toroga hoaraga ǃhūbaib ai nî ǀam kai.’—Psalmdi 46:9.

ǃGaoǃgâ re matis Elobmîsa Jesub nî dī xū-e ra ǁguiǃā ǀgausa:

• “ǁÎb ge ǂhâb ǃnâ hân, tsî ǀgâsan huib ǃaroma ra ǂgain tsîna nî hui ǁnān hui-ao-e ūhâ tamana. ǁÎb ge ǀgâsan tsî ǂhâb ǃnâ hâna ǀkhom tsî ǂhâb ǃnâ hân di ûiga ra sâu. ǁGâiǀāb tsî ǂkhabadība xub ge ǁîn ûiba nî ǃnoraǃnora tsîb ge ǀaob âna ǁîb mûǁae nî ǃgomǀgausa.”—Psalmdi 72:12-14.

Mati da Jesub ge dība da xūn tsî hānîǁaeb ǃnâb nî dība da xūn tsîna ǃgôaǃgâsiba ǁgau ǁkhā? Jesub ge Lukab 22:19, ǃnâ ǁîb ǁkhāǁkhāsabega ge mîba î gu ǁîb ǁōb xa ǂâiǂâisen. ǁNā-amagan ge Jehovab ǃoaba-aona mâ kurib hoaba ǀguiba ǀhao tsî ǁîb ǁōba ra ǂâiǂâisen. ǁKhauǂui du da ge ra i du Jesub ǁōb di ǂâiǂâisensa sida ǀkha ǀguiba tsēdi Sontaxtsēs Maarti 24, 2024.

Jesub ǁōb ra tsēdīhe ǃkhai-e hō re