Mati du ge tsoatsoa?

Jehovab di ǀHûǀguitimî-aon ge 1900ǁî kurib ǀams ai ge tsoatsoa. ǁNā ǁaeb ai i ge ǂkhari ǃgôab Elobmîs ôaǃnâ-aon ǀguina ge hâ i Pittsburgh, Pennsylvanias, Amerikab ǃnâ. ǁÎn ge ǀguiba Elobmîsa ge ôaǃnâ tsoatsoa. ǁÎn ge ǂgomdi gere ǁkhāǁkhā xūna Elobmîs ǀkha ge ǀgopeǀnō tsoatsoa. Tsîn ge ǁkhāǁkhāsenan gere xūna ǂkhanidi, ǂhôan ǂkhanigu tsî The Watchtower—Announcing Jehovah’s Kingdom di ǀon hâ ǂkhanib ǃnâs tsîna gere xoa.

Nē Elobmîs ôaǃnâ-aon ǁaegus tsînab ge Charles Taze Russella ge hâ i. Russelli ge Elobmîs sîsenni ǁaxasigu ǃnâ ǀoasase gere ǁhao tsîb ge The Watchtower ǂkhaniba ǂgurose a xoa ǃkhais ǃgaob ge ǁîba nē ǀapeǂhumisa tsoatsoa tama hâ. Russelli tsî Elobmîs ôaǃnâ-aon tsîn ge ǃgubis ase gere dītsâ Jesub Xristub di ǁkhāǁkhādi tsî ǂgurokham ǁaeb Xristeǁî ǀhaohâb tsîna aiǃgû kaisa. Jesub ge ǂguro Xristeǁî ǀhaohâba a ǂnubi khâi ǃkhais ǃgao da ge ǁîba sida ǀapeǂhumis di danab ase ra mûǂan.—Koloseǁîn 1:18-20.