ǀAeǃkhōs ǃnâ ra sîsenūhe sōǀôana du ra ūǃoa?

Jehovab di ǀHûǀguitimî-aon ge. Sōǀôan tsî ǀaeǃkhōs hîna ra māhesa ra ūǃoa. Sida sorode kōǃgâ tsî da ge ǂûruse ra ǂû. Xawe da ge ǁaen ai ‘ǀaeǃkhō-ao-e’ ǂhâ hâ. (Lukab 5:31, Easy-to-Read Version) ǂGurogam ǁaeb Xristeǁîn ǃnâb ge Lukaba ǀaeǃkhō-ao i. Khamin ge Jehovab di ǀHûǀguitimî-aon ǀnîn tsîna nētsē a ǀaeǃkhō-ao.—Koloseǁîn 4:14.

ǀNî ǀaeǃkhō ǀgaugu ge Elobmîs ǁgaragu ǀkha ǃgûǀhao tama hâ. Nē ǃnôa ǀaeǃkhōna da ge ūǃoa tama hâ. Aiǁgause da ge ǀaoba ūǃoa tama hâ. Elobmîs nēsa mā-am tama amaga. (ǃNaeǃkhaidi 15:20) ǃGaidīb ǀkha ra ǃgûǀhao. ǀAeǃkhō ǀgaugas ge Elobmîsa ra ǂkhā.—Galateǁîn 5:19-21.

ǃNāsa ǀaeǃkhō ǀgaugu ge Elobmîs xa ra mā-amhe. ǁNā-amaga i ge mâ khoe-i hoa-e a ǁhûi ǁkhā. ǀGui ǀHûǀguitimî-ao i ra ūǃoa sōǀôan tsî ǀaeǃkhō ǀgaub ge. ǀNî hâ ǀHûǀguitimî-ao i xa ūǃoahe tama hâ.—Galateǁîn 6:5.