4 ǀÛbagus

NĒSA TAE-E RA ǂÂIBASEN

ǀÛbagus ge ra ǂâibasen khoe-i ga tsûtsû du o, ǀurusa. Tsî tā xū-e ǁî-e nî taniba. Tsî ǂâi tite ǁnā khoe-e ǃgâi tamase hâ-ūsa. ǀÛbagus ge ǂâibasen tama hâ, khoe-i go dīsā xū-e ǀariǂuisa. Tsî ǁî-i go dī xū-i ī tama hâ di ǂâisa.

ELOBMÎS DAOǁGAUDI: “Î du tanibagu, î du ǀûbagu, nē-i ga nau-i ǃoagu ǀauxū-e ūhâo.”​—Koloseǁîn 3:13.

“Khoe-e du ga ǀnamo, o du ge khoe-i ge aisī gere dī tsū xūna ǃoa ǂâi-oa tama. Xawe khoe-i ra dītsâ ǀgaus xa ǂâi re.”​—Aaron

NĒSA TAE-I ǃGAO A ǂHÂǂHÂSA

ǃGamme ū du hâ, khoe-i ǀkha du ga ǀûbagu tama i o. O du ge aitsama sorosise tsî ǂgaob ǃnâ nî tsûtsûsen. Tsî sadu ǃgammeb tsîna nî ǁgaiǁgai.

“ǀGui tsēb ge ti aoba khaise ra tsûtsû te xū-i ǃgao ǀûbaba ge ǂgan. Khaise i ge ge ǃgom I, ǁîba ǀûbasa. Xawe ta ge ge ǀûba bi. ǃHausen ta ge ge tae-i ǃgao, ta ge ǀnai ǀûba bi tama hâ isa. Nēs ge ǂhâbasa tama ǃgomsina gere ǀkhī-ū.”​—Julia.

NĒSA TAE-E RA ǂÂIBASEN

AITSAMA ÔAǃNÂESN RE

Sadu ǃgamme hâ khoe-i ga ǁkhaba ga ra tsûtsûdu o, o dîsen re:

• ‘Kaise ta go ǃhaese tsûse tsâ?’

• ‘Kaise i a tsûsa ǀûba ta nîsa. Tamas ka io ta nî ǀûbas ǀguisa nî hî’?

SADU ǃGAMME HÂ KHOE-I ǀKHA ǃHOA RE

• Matikō gaxuse i hoaǁae ra ū ǀûbagu du ras aiǃgâ.

• Tae-e ro nî dī ǃhaese ǀûbagus ǃgao?

ǀAPEMĀDI

• ǁAixa du ga o, o tā sadu ǃgamme hâ khoe-e ǃgâi tamase hâ-ū re.

• Dītsâ re, sadu ǃgamme hâ khoe-i ǃgâi tama tanisen ǀgauba ǀûbasa. ǂÂis ǃnâ ūhâ re, ‘xūn hoan ǃnâ da ra ǃnôasa’.​—Jakobub 3:2.

“Kaise i ge a supu hoaro a ǀhapixa hîna ǀûbagusa. Xawe kaise i ge a ǃgom ǀgui ǀkhāba xu i ga ǃgomsiba hā o. Khoe-i ǀûbasa ūǃoa tsî khoe-e ǀûbas ge ama ǃgamǃgamsenxasiba ǂhâ hâ.”​—Kimberly.

ELOBMÎS DAOǁGAUDI: ‘ǃHaese ǀûbagu re.’​—Mateub 5:25.