10 ǂGomǂgomsasib

NĒSA TAE-E RA ǂÂIBASEN

ǂGomǂgomsa khoe-i ge ǁî-i ǁgûn xa ra ǂgomǃgâhe. ǁÎ-i ǀhōsan tsî ǀhōnkhoen tsîn ge ǁî-e ra ǂgomǃgâ. ǁÎ-i ge mîbahe i ra xūna ra ǁnâuǀnam. Mî i ra xū-e dī tsî i ge amaba hoaǁae ra ǃhoa.

TAE-I ǃGAO I A ǂHÂǂHÂSA

ǃNorasasib hînats ra hōb ge ra ǁgau, matikō ǂgomǃgâsibats ǃkharugo ǁaeb ǃnâ a ǁgausa.

“Sa ǁgûra xats ga ǂgomǃgâhe ǂga o ǁgau re. ǁÎra ga hâ o ǀguits kaikhoe-i khami tanisen tama hâsa. Xawets ǁîra ga ǀkhais tsînats kaikhoe-i khami ra tanisensa.”​—Sarahi.

ELOBMÎS DAOǁGAUDI: “ǁÎ-aitsama ôaǃnâsen du re.”—2 Korinteǁîn 13:5.

TAE-E DU Nî DĪ

ǃNāsase du ga ǂgomǃgâhe ǂgao tamas ka io. Du ga ǂoaǃnâ du ge ǂgomǃgâsiba hō-oa ǂgao o. O i ge saora xūna nî hui du.

ǂHauǃnâ re. Khoen ge ǂhomixats ga o, o ǃhaese ǂgom tsi tide. Kaisets ga ǂhauǃnâ o, dīsāts hâ xūn xa. On ge nau khoena nî ǂgomǃgâ tsi.

“Supu i ge a ǂhauǃnâse tanisensa xūn ga ǃgâise ǃgû o. Xawe ǁgaise a mûsen kai tsi ǁkhā xūn ǃgaots ga ǂhauǃnâ o, on ge khoena ǃnāsase nî ǂgomǃgâ tsi.”—Caiman.

ELOBMÎS DAOǁGAUDI: “Xūn hoan ǃnâ anuse ra tanisen.”—Hebreǁîn 13:18.

ǂGomǂgomsasib. Amerikab ǃnâ ge dīhe ôaǃnâ di, ǃnâ i ge ge ǂoaxa. 78 Persenti sîsen mā-aon ra mîsa: “Kaise ra ǀgapi ǃgôahe xū-i ge ǂgomǂgomsasiba.” ǂKhamts a hîna ǂgomǂgomsas ge nî hui tsi kaikhoe kaits ga o.

“Ti ǁgûra ge ra ǂgomǃgâ te. Tsî oms ai ta tae-e nî dīsa hoaǁae mîba te tama hâ. Mibahe tamase ta ga xu-e dī o, o ra ge ra ǂgomǃgâ te.”—Sarah.

ELOBMÎS DAOǁGAUDI: “Sa ǁnâuǀnamxasib ai mûmâinǃgâ hâse ta goro xoa, mî ta gos xats nî ǃnāsase dī ǃkhaisa ǂan tsî.”—Filemonni 21.

ǃNūǃnâxa re. Khoe-i soros ga kai o, o i ge a mûǃāxa. Xawe ǁaeba i ge ǂhâ hâ khoena mûsa, sa ǁnâuǃāb ǃnâts kai hâsa.

“Khoe-i xa ǂgomǃgâhes ge ǁaeba ra ū. Xawe ǂgomǃgâhe ǁkhāts ge a ǁaeb ra ī khami.”—Brandon.

ELOBMÎS DAOǁGAUDI: ‘Ana . . .ǃnūǃnâxasiba.’​—Koloseǁîn 3:12.