7ǁÎ ǃÂB

Hama a Jesu?

Jehovab ge Jesuba ǃhūbaib ǃoa ge sî. 1 Johaneb 4:9

Jesub ge Elob amǀkhāb ǁôab ai mâi ǀhommi ǃnâ

Jehovaba da ga ǂkhîǂkhî ǂgao o, o da ge ǀnîhâ ǂhâǂhâsa khoeba nî ǃgâ. Gaxu ǁae-e Adami nî kuruhes aiǃâb ge Jehovaba ǀgaisa gāgāsi kurusabeba ǀhommi ǃnâ ge kuru.

ǀGamǀkhā Marisa tsî Jesub ge ǃnaehes khaoǃgâ

ǁAe-i khaoǃgâb ge Jehovaba ǁîba ge sî Betlehems ǃnâ nî ǃnaehe se ǂkham khoes Maria timî ra ǂgaihes xa. Nē ǀgôab ge ǀonsa ge māhe Jesub timî.—Johaneb 6:38.

Jesub ge khoena Jehova Elob xa ra ǁkhāǁkhā

Khoeb axase ǃhūbaib aib ge Jesuba ǀoasase Elob di ǀgauga gere ǁgauǂui. ǁÎb ge khoexaǃnâ, ǀnamxaǃnâ tsî ge khoen di khoe-i. ǃAo tamaseb ge ǀgūkhoena amaba Jehovab xa gere ǁkhāǁkhā.

Jesub ge ǃgâin ǀguina gere dī xaweb ge ge ǃhuihe hâ-i. 1 Petrub 2:21-24

Jesub ge ǀgôarosa ǁōba xu ge ǂkhaiǂkhai tsî ǀaesen hâ ao-e ge a ǂuruǂuru

Jesub ge ǀaehâna ǂuruǂuru tsî ǁōhâna gere ǂkhaiǂkhai.

ǂGomti di ǂgaeǂgui-aogu ge Jesuba ge ǃhui hâ-i. ǁÎgu di ǂhomi ǁkhāǁkhāti tsî tsū ǀgaugab gere ǁgauǂui amaga.

Jesube ge ǂnauhe tsî ǁnāpaxū ge a ǃgamhe

ǂGomti di ǂgaeǂgui-aogu ge Romeǁîna ge ǃhoaǁnâ dana in Jesuba ǃgam.