8ǁÎ ǃÂB

Jesub di ǁōba mâ ǂâibasensa ūba tsi hâ?

Jesub ge ge ǁō i da sida ûi ǁkhā. Johaneb 3:16

Tarekhoedi ge ǀkhaiǃnâ ǀhobas Jesub dis ǃnâ ra kō

ǃNona tsēte Jesub di ǁōb khaoǃgâ, ti ge ǀnî khoete ǁîb ǀhowasa ge sari tsî ǀkhaiǃnâse ge hōsi. Jehovab ge Jesuba ǁōba xu khâisa ge mā.

Jesub ge ǁîb apostelgu aiǃâ ge ǂhai tsî ega ge a ǀhomǃawa

Jesub ge ega ǁîb di apostelgu aiǃâ ge ǂhai.

Î, Jehovab ge Jesuba ûib di khâisa ge mā, ǀgaisa ǁō tite gāgāsi kurusabab ase. Jesub di ǁkhāǁkhāsabegu ge ge mû bi ǀhomǃawab ta hîna.

Elob ge Jesuba khâisa ge mā tsî ge ǁÎb di Gaosib di Gaose ge ǁgaumâi. Danieli 7:13, 14

ǁÎb di Gaosiba xub ge Jesuba khoen ǂama nîra ǂgaeǂgui paradais ǃhūbaib ai

Jesub ge ǁîb ûiba ge mā xoremarib ase khoen ǃaroma. (Mateub 20:28) ǁNā xoremarib ǃnâ-ūb ge Eloba ge ī ǁkhā kai i da ǀamosib kose ûi ǁkhā.

Jehovab ge Jesuba Gao-aose ge a ǁgau mâi ǃhūbaibab nî ǂgaeǂguise. ǁÎb ǀkhan ge 144 000 ǂgomǂgomsa khoena ǃhūbaiba xu khâisa nî hō ǀhommi ǃnân nî si ûise. Jesub tsî 144 000 ân ge ǂhanu-ai ǀhommi ǂhanuba ra kuru. Nau mîdi ǃnâ ǁnā ǀhommi ǂhanub ge Elob di Gaosiba.—ǂHaiǂhais 14:1-3.

Elob Gaosib ge nē ǃhūbaiba paradais ǃnâ nî ǀkharaǀkhara. Torogu, ǂkhawadīb, ǀgâsib tsî ǃâtsūǀkhāgu ge ǁkhawa hâ tite. Khoen ge amabes ǃnâ nî ǂkhîxa.—Psalmti 145:16.