Elob di Gaosiba a tae?

ELOBMÎS TA MÎS

“Xawe ǁnā gaogu tsēdi ǃnâb ge Elob ǀhommi diba Gaosiba nîra ǂnûi khâi, ǀamosib kōse hîkākāhe tideba.”—Danieli 2:44.

“ǀGôaba ta ge māhe hâ tsî Gaosis ge ǃhōb âb ai hâ.”—Jesajab 9:5.

ǁNĀSA TAE ǂÂIBASENSA ŪHÂBA TSI ǁKHĀ

• ǂHanu-ai ǂhanub ge ǃgâi hōdawa-amsa a ūhâba da ǁkhā.—Jesajab 48:17, 18.

• Hānî ǀasa ǃhūbaib ǃnâ da ge ǀoasa ǂurusib tsî ǂkhîb tsîn ǃnâ nî ûi.—ǂHaiǂhais 21:3, 4.

AMABES ǃNÂ ELOBMÎS TA MÎ-E ǂGOMǃGÂ ǁKHĀ Ī DA A?

Î, ǀorodoma ǀgam ǃaromara ǃaroma:

• Jesub ge ge ǁgau Elob Gaosib taena nî dīsa. Jesub ge ǁîb saoǃgon-aona ge ǁkhāǁkhā in ǀgore ib Elob Gaosiba hā tsî ǁîb ǂâisa ī ǃhūbaib ai. (Mateub 6:9, 10) Jesub ge ge ǁgau matis nē ǀgoresa nî ǃereamhe sa.

  ǃHūbaib aib ge hâ io, ob ge Jesuba ǃâ hâna gere ǂûmā, ǀaesen hâna gere ǂgauǂgau tsî ǁōhâna gere ǂkhaiǂkhaiǃ (Mateub 15:29-38; Johaneb 11:38-44) Hānîǁaeb di Gaob Elob Gaosib tib aseb ge Jesuba, îsa aiǁgausa ge ǁgau da taenab ǁnā Gaosiba ǁîb ǁanǂgāsabena nî dība sa.—ǂHaiǂhais 11:15.

• ǃHūbaib mâsigu ge ra ǁgau Elob Gaosib ǀae nî hāsa. Jesub ge ge aimûǀgaru Gaosib nî ǂkhîba ǃhūbaib ai hā-ūs aiǃâb ge sada ǃhūbaiba torogu, ǃâtsūǀkhāgu tsî ǃhūǂguwigu xa nî hāǂamhe.—Mateub 24:3, 7.

  ǁNā mâsiga da ge nētsē ra mû. ǁNās ǀkha da ge a ǂgomǃgâ ǁkhā Elob Gaosib ǀase ǀamsa nî hā-ū sa nē ǃhūbaib di ǃgomsigu ǃaroma.