5ǁÎ ǃÂB

Oa hā re “sadu ǀomdi di ǃÛi-aob tsî Mûǂamaob ǃoa”

Sats tsîna nē ǂkhanib ǃnâ ra ǃhoaǃgaohe ǃgomsigu xa tsâǀkhāhe hâ? ǁNāti ī ga ī o, ots ge ǃgâi ǃomgu ǃnâ hâ. ǂGui ǂgomǂgomsa ǃoaba-aon Elob din tsîn—ge Elobmîs ǁaeb ai tsî sada tsēs ǃnâ—ǁkhā ǃgomsiga ra hōǃâ. ǁÎn gere huiba Jehovaba xu ǃkhōǃoa khamits ge sats tsîna huiba a hōǁkhā sa ǃgomsiga sîsenǂams ǃaroma.

Jehovab ge satsa nî hâba oaǀkhīts ga ra o ǁîb ǃoa

ǂGOMǃGÂSA ūhâ re Jehovab nî hâba tsisa ǁîb ǃoats ga ra oaǀkhī o. ǁÎb ge nî huitsi îts ǂhansenaide sîsenǂam, îts ǀhapitsâsensa ūbē, îts ǂkhîba hō tsî ǃanu ǃgâi ǂâisa ūhâ ǂgaoba ūhâ ǁkhā. ǁNās ge ǁkhoreba nî mā tsi îts Jehovaba ǁkhapa ǃoaba nau ǃoaba-aon ǀkha. Sa mâsib ge ǂgurokamǁaeb di Xristeǁîn ǀkha a ǀgui, apostel Paulub tsîn ge ǁîn xa ge xoa: “ǁHapuma ra gūse du ge ī, xawe du kom nēsi ǃhobasen hâo sadu ǀomdi di ǃÛi-aob tsî Mûǂamaob ǃoa.”—1 Petrub 2:25.

Jehovab ǃoats ga oaǀkhī ots ge kaise ǃgâi xū-e go dī. Mati i io? Sats ge ǃgâiaǂgaoba Jehovab ǂgaoba nî ǀkhī-ūba. (ǂKhoamîdi 27:11) ǂAnts a khamib ge Jehovaba tsâsiga ūhâ tsî sada di dīb ge ǁîba ra tsâǀkhā. Mâ hâ ǃkhais ge Jehovab ge sada ǁgari tama hâ î da ǁîba ǀnam tsî ǁîba ǃoaba. (Deuteronomium 30:19, 20) ǀGui Elobmîs di ǂansabeb ge nēti ge mî: “ǃKhō ǃkhai-i ge a ǀkhai khoesib di ǂgaob dao-ams ǃauga. ǁÎb ge ǂgânagaba xu nî ǁkhowa-amhe.” Jehovaba ǀnammi xa ǀoa hâ ǂgaob ǀkha ǃoabas ge nî huida ǁnā dao-amsa ǁkhowa-amsa. ǁNāsa da ga dī o, o da ge ǁîba ǃgomǀgausa ǀkhaeba ra mā—sada di ǂhauǃnâsiba—tsî da ge kai ǃgâiaǂgaoba ǁîba ra hauba. Amabes ǃnâ i ge xū-e a ǀkhai ǂkhîb hîna da ra hōǃâba ǀgopeǀnō ūsa Jehovaba da ǁîba anu hâ ǃoabasa mā ǃkhais ǃaroma.—ǃNaeǃkhaidi 20:35; ǂHaiǂhais 4:11.

ǃKhai ge hâ i ǃgâsas ge ǀgamsase ra ǁkhoreǁharehe ǀhaohâba ǃoa

ǁNās ǂamaits ga sa Xristeǁî ǃoabasa tsoatsoa o, ob ge sa gagasi ǂhâba nî ǀoaǀoahe. (Mateub 5:3) Mâ ǀgaub ai? ǃHūbaib ǂhabasen ge khoena ra ǂhâ, ‘Tae-i ǃaroma da nēpa hâba?’ ǁÎn ge ûib di ǂâibasens di dîdi ǃereamde ra ôa. Khoen ge ǁnā ǂhâba ūhâ, Jehovab ge ǁîna ǁîb ǀkha kuru amaga. Sada ge kai ǂkhîba a ūhâ ǁkhā ǂan da a amaga Jehovaba da ra ǀnamma xu ǃoaba ǃkhais ǃaroma.—Psalmdi 63:1-5.

Toxoba ǂan re Jehovab ge ra ǂhâba îts ǁîb ǃoa oaǀkhī. Matits nēsa a ǂan? ǂÂi re: ǃNāǂamsa ǀgores, ǀkhab ge nē ǂkhaniba ǃamkuse aiǂhomihe hâ. ǁÎb ge go hau-e îts ǃgaoǃgâ, ǀnîsi ǀHaohâb ǃûi-aob xa tamas ka io ǀnî hâ ǂgomsabe-i xa. ǁNāpaxūts ge go khomai bi tsî ǁîb haisi-ams xa go tsâǀkhāhe. Nēn hoan ge a ǁgauǁgau Jehovab ǀuru tsi tama hâsa. Nau ǀkhāb aib ge ǁîba ra ǂgae tsi ǁîb ǃoa oaǀkhīsa.—Johaneb 6:44.

Jehovab tātsēs tsîna kā hâ ǃoaba-ao-e ǀuru tides ge ra ǁkhaeǂgao da. ǁNāsas ge ǀgui ǃgâsas Donnas di ra ǂgaihesa ge a ǃgôaǃgâ. ǁÎs ge ge mî: “ǂAuse ta ge amaba xu ge bē, xawe ta ge hoaǁae Psalmdi 139:23, 24, xa gere ǂâiǂâisens mîra ra: ‘Ôaǃnâǃganu te re, Elotse, î ti ǂgaoba ǂan re: ǃÂitsâ te re, î ti ǂâide ǂan re. Î mû re, ise i tita tawa tsū dao-e hâsa, î ǂgaeǂgui te re ǀamo daob ai.’ Tita ge ge ǂan i ǃhūbaib di tama ta hâsa—Tita ge amabes ǃnâ ǁnāpa ǃamǁaesase ge tsâ tama hâ i. Tita ge ge ǂan i Jehovab di ǀapeǂhumis tawa ta nî hâsa. Tita ge ge mû Jehovab tātsēs tsîna ǁnāxū te tama hâsa; tita ge ǀgau i ǀgui-e gere ôa ǁîba ǃoa oa hāsa. Tsî nēsi ta ge kaise ra ǃgâiaǂgao ǁnāsa ta go dīhō ǃkhaisa!”

“Tita ge ge mû Jehovab tātsēs tsîna ǁnāxū te tama hâsa; tita ge ǀgau i ǀgui-e gere ôa ǁîba ǃoa oa hāsa”

Sige di ǂhauǃnâ ǀgores ge îts sats tsîna ǁkhapa “ǃGâiaǂgaob ǃKhūb [Jehovab NW]” diba hōǃâ. (Nehemiab 8:10) Sats ge tātsēs tsîna ǃhausen tide Jehovab ǃoa oa hāsa.

ǃEreamdi mati ta Jehovab ǃoa nî oaǀkhī di ra dîsen ǃgâsan ǃaroma

MAPA TA RA TSOATSOA?

Khoe-i hîna sorosise go ǀaesen hâ-i i ge ǂause ǁî-i tsēkorobe ǁaxasiba nî tsoatsoa. ǁNās ǁkhās khamits ge satsa Xristeǁî-i ase a ǀgaiǀgaisen ǁkhā ǂkharirose mâ tsēs hoasa gagasi ǂû-e ūǂgāsa xu. Tāts ge hoa xūna ǀgui ǁaeb ai nî dī ǂgao. ǀNîsts ge ǀoro hairoga Elobmîsa ra khomai tamas ka io ǃkhōǁnâsa Elobmîsa a ǃgâ ǁkhā, tsî sada di ǂkhanina a ôaǃnâ ǁkhā, tsî sada di internets ǂhaweba jw.org sa a ôaǃnâ ǁkhā tamas ka io jw.org ǀapeǁguiga a kē ǁkhā. Dītsâ re ǀhaohâb ǀhaode ǃhaese hâǃnâsa. ǁNās ǂamai Jehovab ǃoa ǀgore re tsî ǁîb huiba ǂgan re. “Sadu ǂhansendi hoade ǁîba ǁgui-ai; ǁîb sado ra ǂhansenba xuige.”—1 Petrub 5:7.

“Ti ǃoabas ǃnâ ta ge gagasise ǃkhai, o ta ge gere tao ǀgoresa. ǁKhoaǂgaosiba ta ge hō tsî ǀgores khaoǃgâb ge ǀHaohâb ǃûi-aoba ge a sari te. ǁÎb ge ge a hui te î ta mûǂan Jehovab tita ǀûsenxū tama hâ ǃkhaisa. Nē ǀHaohâb ǃûi-aob ge ge mîba te î ta Elobmîsa tsēs hoasa khomai. ǁNāsa ta ge dī o, o ta ge ǀgaiba ge hō ǁkhapa ǀhaodi ǃoa īsa. ǁAeb ǀkha ta ge ǁkhapa aoǁnâ sîsenni ǃnâ ge a ǁhao tsoatsoa. Kaise ta ge ra ǃgâiaǂgao Jehovab tita ai ǀûsen tama hâ ǃkhaisa.”—Eevas.

ǀHOAHÂBA MATI NÎ ǃKHŌǃOA TE?

Sats ge a ǂgomǁapo ǁkhā ǀhaohâb di ǁannin nî ǀgamsase ǁkhoreǁhare tsi ǃkhaisa. Satsa ǀaus tamas ka io ǀgoraǃgâs xan ge ǁîna ǀnamma nî ǁgau tsi tsî ǁkhān a i hoa-e nî dī satsa ǂkhâǃnâsa.—Hebreǁîn 10:24, 25.

“Tao ta ge gere Gaosib ǀHû-omi ǃoa oasīsa. ǂHâ ta ge gere matin ti ǀhōsana nî tanisensa. ǀGui kaira ǃgâsas hîna ge 30 kurigu ǃkharu hâse hâ is ge ge mî, ‘ǁkhoreǁharesase tsâ re ti ǀGôa oms tawa!’ ǁNās ge amabes ǃnâ ti ǂgaoba ge tsâǀkhā. Amase ta ge oms tawa ge oasī.”—Javier.

“Gaosib ǀHû-omi ǃoa ta ge ge ī tsî ta ge khaosǀkhāb ai ge sī ǂnû i i khoe-e tā mûǃā te. Xawe ǂguin ge ge mûǃā te tsoatsoa ǂkhamsis ǁaeb ai ta gere ǀhaode hâǃnâ amaga. ǁÎn ge ge ǁkhoreǁhare te tsî gere ǃkhōǂgā te ǀgamsase, î ta ǂkhîb xa ta ǃkhōǃnamihe hâ khami tsâ. Oms ǃoa ta ge go oaǀkhī.”—Markob.

ǀHAOHÂB ǃÛI-AOGA MATI NÎ HUITSI?

ǀHaohâb ǃûi-aogu ge ǃgâise nî sîsenū tsi. ǁÎgu ge nî koa tsi sa turabats ta ǀasaǀasa kaisa “sa ǂguro ǀnammats” ta ǁkhapa ǁgau ǃkhais ǃaroma. (ǂHaiǂhais 2:4) ǁÎgu ge ǀkhomxaǂgaoxase nî huitsi îts dīts ge dīsāde ǂhanuǂhanu, ǁnāsa gu ge “tsamtsiǃnâ gaga-i” ǀkha nî dī. (Galateǁîn 6:1; ǂKhoamîdi 28:13) ǀHaohâb ǃûi-aogu ge khoe-e nî ǁgaumâi satsa Elobmîsa nî ǁkhāǁkhā-e, ǀnîsi saora ǂkhanira ǃnâ ǀAmosib kōse ǃgâiaǂgao re tamas ka io Draw Close to Jehovah di ǀon hâra ǃnâ. ǂGomǁapo re ǀHaohâb ǃûi-aogu ge nî ǁkhaeǂgao tsi tsî nî ǂkhâǃnâ tsi mâ ǃharos hoas hînats ta ūs ai.—Jesajab 32:1, 2.

“ǁKhaisa kuriga ta ge ge ǃkhai hâ i xawe gu ge ǀHaohâb ǃûi-aoga gere ôa te. ǀGui tsēb ge ǀHaohâb ǃûi-aoba ai-īsiga ge ǁgau te ǁîb ge tita xa ǃkhōga. Nē ai-īsigu ge buruburuxa ǂâiǂâisende ge oaǀkhī-ūba te, tura tsoatsoa te ge ge mati ta gere Jehovaba ǃgâiaǂgaob ǀkha ǃoaba ǀgauba. Nē ǀHaohâb ǃûi-aob ge ge hui te î ta ǁkhapa gagasi ǁaxasib ǃnâ ǁhao tsoatsoa.”—Victori.

“ǁÎb ge nî ǀgaiǀgai da”

Sida ǁnaeǂkhanis, “ǃGâiaǂgaob” ǀkha Jehovaba ǁnaeba re, di ǀon hâs ge ǂgaoba ra tsâǀkhā ǁnaetsanade ūhâ ǁkhaeǂgao tsî nî ǂkhâǃnâ tsi te gagasi ǁaxasigu ǀkhats ǁkhaba ra tsoatsoa hîna. Aiǁgause 38ǁî ǁnaetsanasa ū re, nēs ge mîdi 1 Petrub 5:10 ǃnâ ra hōhe di ai a ǃgaoǃgaosa, ǁîs di dana xoaǂams ge “ǁÎb ge nî ǀgaiǀgai da.”

E-lob ge ǃa-ro-mas ǃgao ǁÎb ǃoa ge ǂgae da,

ǁîb ge ǃkhae-ba xu ǃnâb ǃoa ge ǂgai da.

ǁÎb ge sa-da di tu-ra-ba ǂgaob ǃnâ ge mû

ôa bi tsî da ǃgâi-na ge-re dī o.

ǁÎb ǂâi-sa dīs a ǃgâi di da ge mî,

ǁÎb ge ge hui da tsî nî-ra hui da.
E-lob ge ǁîb di ǀGôa-ba sa-da ǃgao ge mā.

ǁNās ǃgaob ge ra ǂhâ-ba î da ǃgâi-ǃō.

Je-ho-vab ge ǁîb ǀGôa-ba ǀkhaeb a-se ge mā

ob kom ǂhâ da hâ ǀgai-ba nî mā da.

Tsî ǁgau da ge ǂgom-sa ǀu-ru ti-de.

ǁÎb di-nab ge tā-tsē xū-ǃnâ ti-de.

(ǁNAEǀHAOS)

Je-sub ǀaob ǀkhab ge ǁa-ma da, ǁîb ti da ge a.

ǁÎb ge nî ǁa-po kai da tsî nî ǀgai-ǀgai da.

ǁÎb ge nî dao-ǁgau tsî nî ǁkhau-ba da, ǀnais kha-mi.

ǁÎb ge nî ǁa-po kai da tsî nî ǀgai-ǀgai da.

ǃGâ re ǃkhōǁnâsa ǁnaetsanade tsî ǀnî hâ Gaosib ǁnaetsanadi tsîna, sken re nēba tamas ka io jw.org sa sari re.