2ǁÎ ǁKHÂǁKHÂǃÂS

ǁGamǀhaos ǀgaub

2 Korinteǁîn 2:17

ǃKHŌǀHAOS: ǃGâi khoexaǃnâ ǀgaub ǃnâ ǃhoa re, hîna ra ǁgauba sadu mati ǁnā du ra ǃhoa xū-i xa ra tsâǀkhāhe ǀgausa.

ǀGore hâse ǂhomisen re. ǀGore tsî huiba ǂgan re î du haisi-ams ai sadu ǂâisa ūhâ. Mâǂoara ǂâis hîna du nî ǃhoas xa ǃamkuse ǂan re. Tā ǁgâisa ǂkhanib ǃnâ î a xoasa khami ǃhoa re, xawe sadu ǁnaetib ase du ra ǃhoa ǀgaub ǃnâ ǂhomisen re.

Elobmîs xoas tamas ka io du ga ǂkhaniba xu sī ga ra khomai o, o ǁaeb aiǃâ ǀnai khomai tsâ re î du ǃamkuse sī khomai ǁkhā. Khoe-i ûib xa du ga sī ga ra khomai o, o tsâsib ǀkha nēsa dī re.
ǂGaoba xu ǃhoa re. ǂÂi re, tae-i ǃaroman sadu ǃgâ-aona nē haisi-amsa nî ǁnâusa. ǁÎna ǂâis ǃnâ ūhâ re. Sadu mâǀgaub tsî ǁgâiǂuisen ǀgaub tsîn ge khoexaǃnâsiba nî ǁgau.

Tā ǁnaetib ase ǃhoasa hoaǃnâ-aixa ǃhoa ǀgaub ǀkha ǀgopeǀnō re. Sadu haisi-amsa ǃamku ǀgaub tsî ǂhanu mîde sîsen-ūs ǃnâ dī re.
Sadu ǃgâ-aona kō re. ǁKhā du as kōse tsî ǃgôasiba ǁgaus ǃgaos tsîna sadu ǃgâ-aona kō re. ǀHaohâb ǃnâ du ga ǃhoasa ga ra mā ǁaeb ai, ǀgui khoe-i ǀgui-e kō re hoa ǀhaohâb ǁanina kōs xa.