8ǁÎ ǁKHĀǁKHĀǃÂS
ǂKhōdi hîna ra ǁkhāǁkhādi
Mateub 13:34, 35
ǃKHŌǀHAOS: Supu ǂkhōde ra sîsen-ūse ǁkhāǁkhā re, nēs sadu ǃgâ-aona ǂhâǂhâsa xū-e ǁnâuǃās ǀkha a hui ǁkhā amaga.
MATI DU NĒSA NÎ DĪ:
Supu ǂkhōde sîsen-ū re. Jesub khami ǂkhari xūro na sîsen-ū re kai xūna ǁguiǃās ǃgao tsî supu xūna sîsen-ū re ǃgom xū-e ǁguiǃās ǃgao. Tā ǂhâbasa tama hâ ǃgāsasib ǀaro re. Dītsâ re i-i sadu ǂkhōsa ǁkhāǁkhā du ra xū-i ǀkha ǃgûǀhao, în sadu ǃgâ-aona tā are ǂkhōsa ǁnâuǃās ǃnâ.
Sadu ǃgâ-aona ǂâis ǃnâ ūhâ re. ǂKhōdi hîna sadu ǃgâ-aona nî ǁkhoaxabade sîsen-ū re. Kō re î-i tā sadu ǂkhōde ǃgâ-aona tao kai tamas ka io ǁaixa kai.
Mâǂoa ra ǂâisa ǁkhāǁkhā re. ǂHâǂhâsa ǂkhōde sîsen-ū re. Dītsâ re în sadu ǃgâ-aona tā ǂkhōs ǀguisa ǂâihō xawe tae-en go ǂkhōsa xū a ǁkhāǁkhāsens tsîna.