ǁĀǁnâs ge a ǃgâi mîǁgui

Jesub ge ge mî, Xristeǁîn ge nî ǁāǁnâhe. (Khomai re Mateub 28:19, 20 sa.) Xawe ǁāǁnâsa a tae? Tsî khoe-e tae-e nî dī ǁāǁnâ-e ǂgao i ga o?

1. ǁĀǁnâsa a tae?

“ǁĀǁnâ” di hâ mîs ge, Grikegowab di mîsa xu ra hā. Hîna ǁgammi ǃnâ “hoase ǂgâ” di ra ǂâibasensa. Jesub ge Jordan ǃāb ǃnâ ǁāǁnâhe o. Os ge ǁîb soros hoasa ǁgammi ǃnâ ge ǂgāhe. Tsî ‘ǁgamma xu ge ǂoaxa.’ (Markub 1:9, 10) ǁKhā ǀgaub ain ge ama Xristeǁîna nî ǁāǁnâhe. ǁÎn di soros hoas ge ǁgammi ǃnâ nî ǂgâ.

2. ǁĀǁnâhe ra khoe-e tae-e ra ǁgau?

ǁĀǁnâhe i ga o, o i ge khoe-e ra ǁgau. Jehovab ai, i go māǁnâsensa. Khoe-e mati nē māǁnâsensa ra dī? ǁĀǁnâs ais ai, i ge khoe-e Jehovaba ǀgores ǃnâ ra mîba. ǁÎba i hoaǁae ra ǃoaba ǂgao ǃkhaisa. Nē ǀgores ǃnâ i ge ra mîǁgui. Hoaǁae Jehovab ǀguiba ǃoabasa. Tsî i ǁÎb ǂâisa ǂhâǂhâsase. ǁÎ-i ûib ǃnâ nî ǃgôasa. Nē khoe-i ge ra mîǁgui ‘ǁî-aitsama ǀūxūsensa.’ Tsî Jesub ǁkhāǁkhādi tsî aiǁgausa saosa. (Mateub 16:24) ǁÎ-i māǁnâsens tsî ǁāǁnâs ge Jehovab. Tsî Xristeǁî ǃgâsan ǀkha ǀhōsagusisa ūhâsa ra īǁkhā kai.

3. Khoe-e ǁāǁnâhe i nîs aiǃâ tae-e nî dī?

ǁĀǁnâhe du nîs aiǃâ i ge a ǂhâǂhâsa. Jehovab xa ǁkhāǁkhāsen tsî du ǀgaisa ǂgomsa nî omkhâisa. (Khomai re Hebreǁîn 11:6 sa.) Sadu ǂans tsî ǂgoms ra ǀgai khamib ge sadu ǀnammi. Hîna du Jehovaba ūba hâb tsîna nî ǀgai. Tsî du ge nî aoǁnâ ǂgao tsî ǁîb ǂhâba hâ khami nî ûi ǂgao. (2 Timoteub 4:2; 1 Johaneb 5:3) Khoe-i ga “anu hâ khami” Jehovab ǃoa-ai a tanisen o, “ǃgâiba bi a khami.” O i ge a mîǁgui ǁkhā māǁnâsen tsî ǁāǁnâ kaisensa.—Koloseǁîn 1:9, 10.a

ǃGAMSE ÔAǃN RE

4. Jesub ge ǁāǁnâhe ǀgauba xu du ge a ǁkhāǁkhāsen ǁkhā

Khomai re Mateub 3:13-17 sa. Tsî Jesub ǁāǁnâs xa ǁkhāǁkhāsen re. Tsî sao ra dîde ǃhoaǃgao re:

• Jesuba ge babakiro i ǁāǁnâheb ge o?

• Matib ge ǁāǁnâhe? Danas aib ge ǁgammi ǀkha ǁhō-e. Tamas ka io ǀgapihe?

Jesub ge ǁāǁnâhe toab ge o ǀgui. Elob xab ge māhe ǀō-aisa sîsen-e ge dī tsoatsoa. Khomai re Lukab 3:21-23 tsî Johaneb 6:38 sa. Tsî sao ra dîsa ǃhaoǃgao re:

• Jesuba ǁāǁnâhe toab ges khaoǃgâ. Mâ sîsena ǂgurose ǁîb ûib ǃnâ ge mâi?

5. ǁĀǁnâs mîǁguiba du ge a sīǃnâ ǁkhā

Māǁnâsens tsî ǁāǁnâs mîǁguib ge tsoatsoas ǃnâ, a ǃao kai du ǁkhā. Xawe du ge nē ǂhâǂhâsa mîǁguiba a dīhō ǁkhā. Kō re, matin ge ǀnî khoena nēsa a dī ǀgausa. VIDIOBA ǀhuru re.

Khomai re Johaneb 17:3 tsî Jakobub 1:5 sa. Tsî sao ra dîsa ǃhoaǃgao re:

• Tae-e khoe-e a hui ǁkhā. Î-i ǁāǁnâs ǃgao aiǂhomisen?

1. Māǁnâsens ge ǀgores ǃnâ-ū ra dīhe. Jehovaba du ga hoaǁae, ǃoaba ǂgao o

2. ǁĀǁnâhe du ga o, o du ge. Mû ra khoena ra ǁgau, Elob ai du go māǁnâsensa

6. ǁĀǁnâhe du ra o, o du ge ra Jehovab di omaris ǁani kai

ǁĀǁnâhe toa du ga o. O du ge ra Jehovab di ǃhūbaib ǂhawese hâ, omaris ǁanin di ǃâ kai. ǀGui ǂgoms tsî ûiǀgauba da ge ra sao. ǃKharagagu ǃhaodi tsî khaoǃhūga da ūhâ xawe. Khomai re Psalmdi 25:14 tsî 1 Petrub 2:17 sa. Tsî sao ra dîsa ǃhoaǃgao re:

• Khoe-i ǁāǁnâsa mati Jehovab. Tsî nau ǃgâsan, ǀkha i ūhâ ǀhōsagusisa ra tsâǀkhā?

ǃKHŌǀHAOS

Jesub ge ge ǁkhāǁkhā, Xristeǁîn ge nî ǁāǁnâhe. Khoe-i nî ǁāǁnâhes aiǃâ i ge. ǀGâisa ǂgomsa nî omkhâi. Tsî Jehovab ǀgaugu ǃoa nî ui. Tsî ǁÎb ai nî māǁnâsen.

ǁKhāǁkhāsen du go xūna ǂâiǃgâs

• ǁĀǁnâsa a tae tsî tae-i ǃaroma i a ǂhâǂhâsa?

• Māǁnâsens tsî ǁāǁnâs tsîna mati ra ǃgûǀhao?

• Khoe-e tae-e nî dī, māǁnâsen tsî i nî ǁāǁnâhes aiǃâ?

ÔAǃNÂ

ǁĀǁnâs a taes tsî tae tamas tsîn xa ǁkhāǁkhāsen re.

“ǁĀǁnâsa a tae?” (Internets ai hâ ǁkhāǁkhādi)

Xūn hîna ǁāǁnâs kōse sīs, ǀkha a hui du ǁkhāna ôaǃnâ re.

“Jehovaba da ūba hâ ǀnammi tsî ǃgôaǃgâsib tsîkha ge nî ǁāǁnâsen kai da” (ǃKhē xu ǂgō-ommi, Maarti 2020)

Khomai re, matib ge ǀgui khoeb mîǁguib. ǁĀǁnâ kaisens diba tsâsigu ai ǃgaoǃgaosa tama hâ isa.

“ǁÎn ge ge ǂhâba hâ i, i ta amaba ta ūhâ ǃkhaisa ôaǃnâ” (ǃKhē xu ǂgō-ommi, Februarib 1, 2013)

Kō re, tae-i ǃaromas ǁaǁnâsa a ǃgâi mîǁguisa. Tsî mati du nî aiǂhomisensa.

“ǁĀǁnâhe ta nî?” (ǂKhamkhoen ra dî dîdi—ǃgâi ǃereamdi, 2ǁî ǃâb, 37ǁî danaǃâs)