Tā aoǁnâsa ǃao tsî ǃkhō-oasen

Jesub ge dī i

VIDIOB: Jesub ge Saxeuba ra aoǁnâba

1. VIDIOBA kō tamas ka io Lukab 19:1-7 sa khomai. Tsî saora dîde ǂâiǃgâ:

1. Tae-i ǃaroman ge khoena Saxeub ǀkha ǃhoa ǂgao tama hâ i?

2. Tae-e Jesuba ge ǂkhâǃnâ îb ǁîb ǀkha ǃgaiǂhôasa ǀgoragu?

Tae-e da Jesuba xu ra ǁkhāǁkhāsen?

2. Gaosib haisi-amsa da ga hoa khoena aoǁnâba ǂgao o, o da ge ǁkhoaǂgaosiba ǂhâhâ.

Jesuba ǁgae

3. Jehovab ai ǂgomaiǂnûi. Elob di ǃanu gagab ge Jesuba ǀgaiba ge mā îb aoǁnâ. Tsîb ge sida tsîna ǁkhā ǀgaiba a mā ǁkhā. (Mat. 10:19, 20; Luk. 4:18) Jehovaba ǂgan re îb ǁkhoaǂgaosiba mâ du, îdu ǃao du ra khoena aoǁnâba.—ǃNǃkh. 4:29.

4. Tā khoena ǀgoraǃgâ. ǀNîsi da ge a îganǀgē ǁkhā khoen ǀkha ǃhoasa. ǁÎn ta mûsen ǀgaub, mari-en ga ūhâs, ǁîn ûiǀgaub tamas ka io ǁîn ǂgoms ǃaroma. Xawe ǂâis ǃnâ ūhâ re:

1. Jehovab tsî Jesub tsîkha ǀguikha ge, ǂgaoga khomai ǁkhā sida ose.

2. Tā da ge nî ǂai khoe-i tātsē Jehovab xa huihe tidesa.

5. ǁKhoaǂgaosib tsî ǃgôasib tsîna ūhâ re. (Mat. 10:16) ǂNoagusa xu ǂgōsen. ǃGâi ǀgaub ǃnâ ǁgamǀhaosa ǀam re, khoe-i ga ǃgâiǂhôasa ǃgâ ǂgao tama io tsî du ga ǃnorasase tsâ tama io.—ǂKhm. 17:14.