ǁNâuǃāxa tsî ǀgui ǃgupu

Jesub ge dī-i

VIDIOB: Jesub ge ra ǁgau Sîda Îb sida ǃnâ ǃgâiǃgâibasensa ūhâsa

1. VIDIOBAkō tamas ka io Mateub 6:25-27 sa khomai. Tsî saora dîde ǂâiǃgâ:

1. Jesuba mati ge ǁgau, Jehovab sida ǀkha ǁgae hâsa?

2. Jesub ge ǂgui xūna aniron xa ǂan-i xaweb ge mâ ǀgui ǃgupu xū-i ai ǁîb ǂâisa ǂnûi? Nēsa tae-i ǃaroma ge ǃgâi ǀgau-i ǁkhāǁkhās diba?

Tae-e da Jesuba xu ra ǁkhāǁkhāsen?

2. ǁNâuǃāxa ǀgaub ǃnâ da ga ǁkhāǁkhā, on ge khoena nî ǂâihō taena da go ǁkhāǁkhā nîsa. Tsî î ge ǁîn di ǂgaoga nî tsâǀkhā.

Jesuba ǁgae

3. Tā kaise ǃhoa. ǁKhāǁkhā du ra xū-i xa du a ǂan xūna ǃhoas xa, ǃgaoǃgâ re ǂkhanib taena ra ǁkhāǁkhāsa. Dîsa du ga dî toa o, ǃnūǃnâxase ǃâu re î-i ǁkhāǁkhā du ra khoe-e ǃeream. ǃEreamsa î ga ǀū tamas ka io Elobmîs ǀkha ǀau tama hâ ǃereamsa mā o. Dîde sîsenū re î-i ǃhoaǃgaohe ra xū-i xa ǂâiǃgâ. Mâǂoa ra ǂâisa î ga ǁî-e ǁnâuǃā, o aiǃgû.

4. Khoe-i ǀnai a ǂan xū-e sîsenū, î-i hui-e ǀasa xūna ǁnâuǃās ǀkha. Aiǁgause khâis xa hâ ǁkhāǁkhāǃâsa du nî tsoatsoas aiǃâ. ǀGui ǃgupuse ǃkhōǀhao re khoe-i go tae-e, ǀnai a ǁkhāǁkhāsensa ǁōhân di mâsib xa.

5. Aiǁgaude ǃgâi ǀgaub ǃnâ sîsenū. Aiǁgausa du nî sîsenūs aiǃâ, dîsen re:

1. ‘Nē aiǁgausa ǀgui ǃgupu-e?’

2. ‘Tita ra ǁkhāǁkhā khoe-e nē aiǁgausa nî ǁnâuǃā?’

3. ‘Tita ra ǁkhāǁkhā khoe-e i nî hui ī-i mâǂoa ra ǂâisa ǂâihō aiǁgaus ǀguis ose?’