XRISTEǁÎN ÛIǀGAUB

Aoǁnâs tsî ǁkhāǁkhās—Nēs ge ǁkhāǁkhāsabedīs ǃnâ a ǂhâǂhâsa

Jesub ge ǁîb ǁkhāǁkhāsabena ge mîmā în ǁkhāǁkhāsabedī. (Mat. 28:19) Nēs ge aoǁnâs tsî ǁkhāǁkhās tsîna ǃkhōǂgā hâ. ǁAeba xu ǁaeb ǀkha da ge nî dîsen, ‘mati ta nē ǂhâǂhâsa ǀgaugu ǁkhāǁkhāsabedīs digu ǃnâ a ǃgâiǃgâisen ǁkhā?’

AOǁNÂS

Khoena da ge ǃâu tide în sida ôa xawe da ge “anu” hâna nî ôa. (Mat. 10:11) Aoǁnâ sîsenni ǃnâ da ra ǁhao o, o da khoen hîna da ra ‘ǀhao-ūn’ ǀkha ra ǃhoa? (ǃNǃkh. 17:17) Lidias ge apostel Paulub tsîn ge ǁkhoaǂgaose gere aoǁnâ ǃkhais ǃgao ǁîs tsîna ge ǁkhāǁkhāsabe kai.—ǃNǃkh. 16:13-15.

Samueli ge Esegiela ǂkhaniba ra mā. Salomob tsî Marias tsîn ge Abigailsa ra aoǁnâba — “ǁGoas ai tsoro sa ǃkhomma, îts ǃuia ǃommi âtsa tā ǂgaedawa” (Aoǁn. 11:6)

‘ǀÛ TAMASE’ AOǁNÂ RE—KHOENA DU RA ǀHAO-Ū ǃKHAIS HOAS TAWA TSÎ OMSA XU OMS ǀKHA DI HÂ VIODIOBA KŌ TSÎ SAO RA DÎDE ǃEREAM RE:

ǁÎb tsēkorobe ûib ǃnâb ge Samuela mati ǁgau khoenab amaba ra ǁkhāǁkhā ǂgao ǃkhaisa?
Tae-i ǃaroma da hoa ǀgaugu aoǁnâ sîsenni digu ǃnâ nî ǁhao?
Ham-i ǀkha da Gaosib ǃgâiǂhôasa nî ǀgoragu sida tsēkorobe ûib ǃnâ?

ǁKHĀǁKHĀS

ǁKhāǁkhāsabena da ga ra dī ǂgao o, o da ge khoena khomai ǂkhani-i ǀgui-e mā tide. ǁÎna da ga gagasise ga ra hui ǂgao o, o da ge ǁîna ǁkhawa nî sari tsî Elobmîsa nî ǁkhāǁkhā. (1Kor. 3:6-9) Xawe î ga sida ǁgūtsâdi khoena Elobmîsa ǁkhāǁkhās dide aiǃgû tama ga ra ios? (Mat. 13:19-22) Aiǃgû da ge nî khoen hîna “ǃgâi ǃhūb” khami i ǂgaoga ūhâna ôas ǃnâ.—Mat. 13:23; ǃNǃkh. 13:48.

Salomob tsî Marias tsîn ge Elobmîsa Esegieli tsî Abigails tsîna ra ǁkhāǁkhā. Tsî ra ge Esegieli tsî Abigails tsîna aoǁnâ sîsenni ǃnâ ra ǁhao. — “Tita ge ge ǂgā, tsî Apolob ge ge ǂnâ; xawe Elob ge ǁîsa ge ǀom kai” (1Kor. 3:6)

‘ǀÛ TAMASE’ AOǁNÂ RE—ǃGANGU ǃNÂS TSÎ ǁKHĀǁKHĀSABENA DĪS ǃNÂ DI HÂ VIDIOBA KŌ TSÎ SAO RA DÎDE ǃEREAM RE:

Salomob tsî Marias tsîna mati Esegieli tsî Abigails tsîna amaba ge ǁkhāǁkhā?
Tae-e da nî mîǁgui sida aoǁnâs di ǀgaugu xa?
Mati da nau khoena ǁkhāǁkhās ǃnâ nî ǁguiǂgāsen?