Vidioga Elobmîs ǁkhāǁkhās ǃgao sîsen-ū re

Mûhe ǁkhā a xūn ge khoe-e ra hui î-i xū-e ǁnâuǃā tsî ǂâihō. Nēsab ge Jehovab sida ǀGapi ǁkhāǁkhā-aob tsîna gere sîsen-ū ǁkhāǁkhā das ǃnâ. (Gen. 15:5; Jer. 18:1-6) Jesub tsîn ge nēsa gere dī. (Mat. 18:2-6; 22:19-21) ǀGui ǀgaub nēs ra sîsen-ūhes ge vidiogu ǃnâ-ū. Vidioga du Elobmîs ǁkhāǁkhās ǃnâ ǃgâise ra sîsen-ū?

Disi viodiogu ge Eloba xu hâ ǃgâiǂhôas! ǂkhanib ǁkhāǁkhās ǃaroma a māǂuisa. Mā ǁkhāǁkhāsǃâs hoas ge viodioba ūhâ ǁnā ǂkhanib ǃnâ. Internest ai hâ ǂkhanib ge ra hui da mûsa mâǁae da viodioba nî kōsa. Nau ǁkhāǁkhā-ūs ǂkhanin ǃaroma da ge ǁKhāǁkhās boksis ǃnâ vidioga a hō ǁkhā.

ǃGom ǁkhāǁkhāǃâ-e du ra ǃhoaǃgao khoe-i ǁnâuǃā tama hâ-e? Tamas ka io i sadu Elobmîsa ra ǁkhāǁkhā khoe-e ǃgomsi-e ra hōǃâ? JW Broadcastings® tamas ka io jw.org/dmr® ai vidio-e ôa re hîna nē khoe-e a hui ǁkhā-e ǁî-i ǃgomsib ǀkha. Sadu tsî sadu Elobmîsa ra ǁkhāǁkhā khoe-i ǀkha du ge ǁnā vidioba a kō ǁkhā.

Mâ ǁkhâb hoaba gu ge vidioga ra mâǂui-e. Nēsa du ra kō hîna ǂâi re mati du sadu Elobmîsa ra ǁkhāǁkhā khoe-e a hui ǁkhā ǀgauba.