Mati du ǂÂiǂâisens ǃgao nî aiǂhomisen?

Nē kurib tsoatsoasa xu da ge ǁaeba nî ǁamaǂui Xristub ǁōb ǂÂiǂâisens ǃgao aiǂhomisensa. ǂÂiǂâisens ga wekheb ǁaegu hâ o, o i ge Sida Xristeǁî ûib ǀhaosa hâ tide. Xawes ga ǂÂiǂâisensa sâǁaeb ai ǁnā o, o î ge sondaxtsēs ǀhaosa hâ tide. ǁAeba du nî ǁamaǂui? ǂGurokham ǁaeb khami î ge nē ǁaxasib nî dīhe ǃkhaiba aiǂhomisa ǂhâ hâ. (Luk. 22:7-13; km-E 3/15 1) Xawe da ge hoada sada ǂâis tsî ǂgaogu tsîna nî ǂhomi. Nēsa da mati a dī ǁkhā?

• ǂÂiǂâisensa hâ ǃnâs di ǂhâǂhâsasib xa ǂâi re.​—1Kor. 11:23-26

• Jehovab ǀkha du ūhâ ǀhōsagusisa ôaǃnâ re.​—1Kor. 11:27-29; 2Kor. 13:5

• Xoadi tsî ǂÂiǂâisens ǀkha ra ǃgûǀhao ǃnaeǃkhaidi xa khomai tsî ǂâiǃgâ re.​—Jhn. 3:16; 15:13

ǀNî ǃgâsan ge Examining the Scriptures Daily di ǀonhâ ǂkhanis ǃnâ ǂÂiǂâisens ǁaeb ǃgao hâ Elobmîs ǃâga khomai tsî ra ǂâiǃgâ. ǀNîn ge Elobmîs ǃnâ Jesub xa hâ ǃâb ǃnâ hâ xoade ra khomai. Tsîn ge nauna ǃKhē xu ǂgō-ommi ǃnâ ǂÂiǂâisens xa hâ ǃâga ra khomai tsî nēs ǃnâ-ū Jehovab tsî Jesub tsîn ge ǁgau ǀnammi xa ra ǂâiǃgâ. Sadu ra ǁhûi xū-i hoa-i, aiǂhomisens ǃgao î ge sado Jehovab tsî ǁîb ǀGôab ǃoa a ǂgae ǁkhā.