Î du ǀoro ǂūba ǁîb di dīgu ǀkha ǁhûǁnâ tsî ǀasa ǂūba ana

3:5-14

Sadu tsîna ǂgui ǀkharaǀkharana ge dī ǁāǁnâhe du nîs aiǃâ? Jehovab ge kaise sadu ǁgūtsâdi xa ge ǂkhî. (Ese. 33:11) Xawe da ge ǁnās ǂam-ai noxoba nî ǁgūtsâ î-i tā sada ǀoro ǀgauga ǁkhawa oaǀkhī, dītsâ da ge nî ǀasa khoeba ana ǀkharasa. Sao ra dîde ǃeream tsî kō re mâpa du ǀkharaǀkharana a dī ǁkhāsa:

• Khoe-i hîna ge tsūdī te-e ta noxoba ǁaixaba hâ?

• Tsau tamas ka io ta ga ǀhape xawe ta ǃnūǃnâxasiba ra ǁgau?

• ǁGauoǃnâ ǂâi-i ga hā o, o ta ǃhaese ra ūbē?

• Khoen hîna ǀnî hâ ǃhaos tamas ka io ǃhūba xu ra hān xa ta ǁgai ǀgaub ǃnâ ra ǂâi?

• ǁAeba ǃkharu hâse ta ge khoe-i ǃoagu ǁgai ǀgaub ǃnâ ǃhoa tamas ka io ǃhaese ge ǁaixa?