XRISTEǁÎN ÛIǀGAUB

Jehovaba a ǀnam khoen ǀkha hâ re

Tae-i ǃaroma da Jehovaba a ǀnam khoen ǀkha nî hâ? Khoen hîna da ra hâ-ūn ge a hui da ǁkhā î da ǃgâi xūna dī tamas ka ion ge ǁgai xūna a dī kai da ǁkhā. (ǂKhm. 13:20) Aiǁgause, Gao-aob Joab ge “ǃKhūb [Jehovab, NW] mûǁae a ǂhanuna gere dī” ǀGapi pristeri Jojadab ǀkhab ge ǀhōsagu îs kōse. (2Kro. 24:2) Jojadab ge ǁōs khaoǃgâb ge Joaba Jehovaba ge ǁnāxū ǁîb ǁgai ǀhōsan xa ǃaromahe hâse.—2Kro. 24:17-19.

ǂGurokam Xristeǁîn ǁaeb ǃnâb ge apostel Pauluba Xristeǁîn ǀhaohâba “kai om-i” ǀkha ge ǀgopeǀnō tsî ǀhaohâb ǁanina ‘soa-i’ tamas ka io oms sîsenūxūn ǀkha. Jehovab ǁgaraga sao tama hâ khoe-e xu da ga hâbē o, o da ge ‘ǃgôasib ǃoa hâ soa-i’ ase nî mūhe. Nēsi i ga omaris ǁani tamas ka io ǀhaohâb ǃnâ hâ ǃgâsa-i ga xawe. (2Tim. 2:20, 21) ǁNā-amaga da ge Jehovaba a ǀnam tsî gagasi xūn ǃnâ ra ǂkhâǃnâ da ǃgâsan ǀkha nî hâ.

ǁGAI ǀHŌSANA XU HÂBĒ DI HÂ VIDIOBA ǀHURU TSÎ SAO RA DÎDE ǃEREAM RE:

Mati da ǀū ǃgâse ǁgai ǀhōsan ǀkha a hâ tsoatsoa ǁkhā?
Vidiob ǃnâ hâ ǃnona ǃgâsana mati ǁgai ǀhōsana xu ge hâbē?
Mâ Elobmîs tsoatsoade a huidu ǁkhā, î du ǃgâi ǀhōsana ôaǂuibasen?

Johni ge xûi-e ǁîb ǀkha hâ khoena ra ǁhōba; Kristins ge ǁîs ǀhōn ra dī xūna selfoni ai ra kō; Jaydeni ge internets a hâ gamena ra ǀhuru; Johni tsî ǁîb omaris, Kristins, tsî Jaydeni ge ǀhaos ai hâ — ‘ǃGôasib ǃoa hâ soa-i’ ase ta i?—2Tim. 2:21