XRISTEǁÎN ÛIǀGAUB
“ǃAruǀî . . . ǁî-i xa ǂâiǂâisen”
Mâ xūna? Filipeǁîn 4:8 ge ra mî xūn hîna ama-ain, anu hân, ǂhanu-ain, ǃanun, ǀnamǀnamsan, tsî ǃgâise ra ǀōn, ǃgâi ǂū-i tsî koahesa anu hâ xūna da nî ǂâiǃgâsa. Nēs ge Xristeǁî-i hoaǁae Elobmîs xa ǀgui nî ǂâi ti ǂâibasen tama hâ. Xawe Jehovaba ra ǂkhîǂkhî xūn xa da ge nî ǂâi. Sida ǂâidi ge tā ǁÎb ǃoa-ai ǂgomǂgomsase hâsa nî ǃgom kai.—Psa. 19:14.
Sida ǂâide ǁgai xūna xu ūbēs ge kaise a ǃgom. Nēs ge ǀoasa kurusa da ūhâ tama hâ ǃkhais tsî Satanni a ‘ǃhūbaib di elo’ ǃkhais xas tsîna ra ǃgom kaihe. (2Kor. 4:4) Satanni ge ǃhūbaib ai ra ī xūn ra ǂhôaǂuihe ǀgauba ra gaoǂam, nēs ge TVs, ǂhôaǂgares, internets tsî ǂkhanin tsîna ǃkhōǂgâ hâ. Kō tsî da ra ǃgâ xūna da ge ǃgâise nî ǁhûi. Nēsa da ga dī tama io, on ge ǁnā ǁgai xūna sida ǂâi ǀgaub tsî tanisen ǀgaub tsîna a ǀkharaǀkhara ǁkhā.—Jak. 1:14, 15
JEHOVAB ǃOA AI ǂGOMǂGOMSASE HÂSA NÎ ǁKHAE DU XŪNA XU ǂGŌSEN—ǃGÂI TAMA ǁKHOAXASIGU DI HÂ VIDIOBA ǀHURU TSÎ SAO RA DÎDE ǃEREAM RE:
ǃGâsaba tae-e ǁîb selfoni ai gere kō tsî nēsa mati ge tsâǀkhā bi?
Galateǁîn 6:7, 8 tsî Psalmdi 119:37 sa ǁîba mati ge hui?