Tae-e da jw broadcastings amde xu a ǁkhāǁkhāsen ǁkhā?

Mâ jw broadcastings amdi xa du a ǃgâibahe? Tae-i ǃaroma? Vidiogu ǃnâ ra ǀhuruhe xūna tsēs hoas ûib di xūn ǀkha ra ǃgûǀhaose du ra mû? ǃKharagaǃnâgu mâǂoa ra ǂâidi tsî musik-i ra ǀhuruhe ǀgaugu hâ amaga i ge mâ khoe-i hoa-e ǁnapa xu a ǀama ǁkhā. Xawe nē amdi vidiogu ge ǁîdi ǁkhoaxa ǀōb ǃgao ǀgui di nî ǃgâhe ga hâ tama.

Broadcastings amdi hoadi ge sida ûib tsî aoǁnâ sîsenni ǃnâ da nî sîsen-ū xūna ra ǁkhāǁkhāda. ǀNî amdi ge khoexaǃnâsib, ǀguiǃnâxasib, ǀhōsagusis, ǁkhoaǂgaosib, ǀnammi tsî ǂgoms xa hâ. Tsî nau di ge Jehovaba ǃoa oa hās, khoena ǀûbas, tsēs hoasa Jehovab ǃoa-ai ǂgomǂgomsase hâs tsî ǀasa gagasi mîǁguiga dīs xas tsîna hâ. Selfonga da mati nî sîsen-ūs xas tsînas ge ǀnî amsa ra ǁnae. Tae-e du ge noxoba jw broadcastings amde xu ǁkhāǁkhāsen?

JW BROADCASTINGS AMS VIDIOB JUST AROUND THE CORNER, DI HÂSA KŌ TSÎ SAO RA DÎDE ǃEREAM RE:

• Kaira ǃgâsara mâ hānîǁaeb di ǀkhaeba ra mûnanai?​—Gen. 12:3

• Mati da Jehovab ǁkhāsib ǁîb mîmâide dīǀoaǀoas dib ǃnâ ǂgomsa nî ǀgaiǀgai?

• Mâ ǃgâi xūn hîna ǀgū ǁae nî īna ǃoa da a mûǂgui ǁkhā?

• Matis Gaosib di ǃâubasensa sada ra hui i da nēsi da ra hōǃâ ǃgomsin ǃnâ mâǀgai?​—Rom. 8:25