ǁGamǀhaos aiǁgaude du nî sîsen-ū ǀgaub

Januarib 2018ǁî kuriba xu i ge ǁgamǀhaos aiǁgaude Sida Xristeǁî ûib tsî aoǁnâ sîsenni—Sîsen ǂkhanib aisǀkhāb ai ra hō-e. Nēsa da mati a sîsen-ū ǁkhā?

ǀHaos tawa du ga ǃâ-e ūhâ o, o du ge dîs, xoas tsî ǁkhawa saris hîna ǁgamǀhaos aiǁgaus tawa ra mā-esa nî sîsen-ū. Xawe nēs ge ǂâibasen tama hâ ǁgamǀhaos aiǁgaudi vidiogu ǃnâ hâ mîdi ǁkhāde da nî sîsen-ūsa. ǀKhara khaoǃhūb, mâi-aiǃâsens tamas ka io ǀkhara ǂâi ǀgaub tsîna da ge a sîsen-ū ǁkhā. ǁKhāǁkhās boksisa xus tsîna du ge ǂkhani-e a mā ǁkhā, ǁnā ǃâb ǃnâ i ga mîhe tama ga ra ī xawe.

Aoǁnâ sîsenni ǃnâ: ǁGamǀhaos aiǁgaudi ge kaise ǃgâi ǀapemāde ra mā. Khoe-i ga ǃgâiǃgâibasensa ǁgau tsî ǃnāsase ga ra ǂan ǂgao o, o da ge ǁgamǀhaos ǀkha nî aiǃgû tsî ǁî-e ǁkhawa a sari ǁkhā. ǁGamǀhaos aiǁgaude du ge ǀkharaǀkhara ǁkhā tamas ka io ǀnî hâ xū-e a sîsen-ū ǁkhā. ǀNî hâ xoas tamas ka io ǂoa goro ǁkhâb ǃnâ go hâ i ǃhoaǃâ-e sida ǂharis ǃnâ hâ khoena ra tsâǀkhā? Sida ǂharis ǃnâ hâ khoena ǃnāsase ǁîn ǂnamipe ra ī xūn ǃnâ ǃgâiǃgâibasensa ūhâ? Mâ ǀgaub hoab ǃnâ da ga ǁgamǀhaos aiǁgaude ga ra sîsen-ū xawe da ge, “nēsa ǃgâiǂhôas ǃaroma ra dī, ǁîs on ǃnâ ta nî amǃnâxaga”.—1Kor. 9:22, 23.