Ama tama xūna ǃhoamāsa xu ǂgōsen re

Nētsē i ge ǂgui ama tama ǂhôana, ǁgâisa ǂkhanin, ǂhôaǂgares, ai-īsi ǂhôaǂgares tsî internets tsîn ǃnâ-ū ra ǂhôa-e. ǁNān hîna ‘amab di Eloba’ ra ǃoaban ge ama tama ǂhôana ǃhoasa xu ra ǂgōsen. (Psa. 31:5; Eks. 23:1) Ama tama ǂhôan ge kai ǂkhôaba a hau ǁkhā. Xū-i a amasa da ga ǂan ǂgao o, o da ge sao ra dîde nî dîsen:

• ‘Nē ǂhôa-e ǂgomǃgâ da hâ khoe-e xu ra hā?’ Khoe-i hîna nē ǂhôa-e ra mîba du i ge ǀnîsi hoa amaba ūhâ tama hâ. ǂHôan hîna khoe-e xu khoe-i ǀkha ra īn ge hoaǁae ra dawa, ǁnā-amaga ǂanbasen re tae-i go īsa du ga ǀū io. ǀHaohâb ǃnâ aiǂhanuga ūhâ ǃgâsaga xu ra hā xūnan ǃgâsana ra ǂgom, amaga gu ge ǁgauǁgau-e ūhâ tama hâ xūna tā nî ǃhoa.

• ‘Nē ǂhôa-e khoe-i ǀonsa a ǁgaiǁgai ǁkhā?’ Nē ǂhôa-i ga khoe-i ǀonsa i nî ǁgaiǁgai khami mûsen o, o da ge tā nēs xa nau khoen ǀkha nî ǃhoa.—ǂKhm. 18:8; Fil. 4:8.

• ‘Nē ǂhôa-e a ǂgom-e ǁkhā?’ Ama tama ǂhôan di ǁkhōǁkhōsasiba ǂanbasen re

MATI TA ǀHOESA XU NÎ ǂGŌSEN? DI HÂ VIDIOBA KŌ TSÎ SAO RA DÎDE ǃEREAM RE:

• 

  ǂKhoamîdi 12:18 ǃoagu i mîde mâ ǂkhôaba a dī ǁkhā?

• 

  Filipeǁîn 2:4 sa mati ra hui da i da nau khoen xa da ra ǃhoa ǀgausa ǀnōsa ǀgaub ǃnâ mû?

• 

  Tae-e da nî dī khoe-i ga nau khoe-i xa ǃgâi tamase ǃhoa tsoatsoa o?

• 

  Nau khoen xa da nî ǃhoa tsoatsoa aiǃâ da mâ dîde nî dîsen?