ǂKhamkhoedo—Jehovaba a sadu ǀhōsa?

Mâ ǀgaugats sa ǀhōsa i ǃnâ ra ôa? ǀNîsits ge ǂhauǃnâsib, ǀkhomxaǃnâsib tsî māsenxa ǀgauga ra ôa. Jehovab ge nē ǀgaugu hoaga ūhâ. (Eks. 34:6; ǃNǃkh. 14:17) ǁÎb ge ra ǃgâ ǀgorets ra o. Jehovab ge ǂhâsib ga hâ o ra hui tsi. (Psa. 18:19, 35) ǁÎb ge sa dīsāde ra ǀûba. (1Jhn. 1:9) Jehovab ge kaise a ǃgâi ǀhōsaba.

Matits a Jehovab di ǀhō kai ǁkhā? ǁÎb xa ǁkhāǁkhāsen re. ǁÎb ǀkha ǃhoa re. (Psa. 62:8; 142:2) ǁGau re Jehovaba a ǂhâǂhâsaba xūnats ra ǃgôaǃgâsa, aiǁgause ǁîb di ǀGôab, ǁîb Gaosib tsî hānîǁaeb di ǃâubasens tsîna. Nau khoena ǁîb xa mîba re. (Deu. 32:3) Jehovab ǀkhats ga ǃgâi ǀhōsagusisa omkhâi o, ob ge ǁîba nî sa ǀhōsa kai ǀamosib kōse.—Psa. 73:25, 26, 28.

TSÂTSÂ I MÛ JEHOVAB A ǃGÂI ǀGAUSA DI HÂ VIDIOBA ǀHURU TSÎ SAO RA DÎDE ǃEREAM RE:

• 

  Matits māǁnâsens tsî ǁāǁnâs ǃaroma a aiǂhomisen ǁkhā?

• 

  Matin ǁnān hîna ǀhaohâb ǃnâ hâna a hui tsi ǁkhā Jehovaba ǃoabas ǃnâ?

• 

  Matis aoǁnâsa sa ǀhōsagusis Jehovab ǀkhats ūhâsa ra omkhâi?

• 

  Mâ aiǂhanuga hâ sats ǃaroma?

• Tae-ets ra ǃgôaǃgâ Jehovab xa?