ǀŌ-aisa ǁaxasib hîna Novemberi ǃnâ nî hâb Elob Gaosiba ǂhôas ǃaroma

Jesub ge ‘ǃGâiǂhôas Gaosib disa’ gere ǂhôa. (Luk. 4:43) Tsîb ge khoen tsîna gere ǁkhāǁkhā în ǁnā Gaosiba ǀgoreba. (Mat. 6:9, 10) Novemberi ǃnâ da ge ǀō-aisa ǁaxasiba nî ūhâ Elob Gaosiba ǂhôas diba. (Mat. 24:14) Sadu mâsiga du ge nî ǃgâiǃgâi, i du nē ǁaxasib ǃnâ ǁhao ǁkhā. ǁNān hîna a huiǃnâra aimâba-aon ge ǁnā ǁkhâb ǃnâ 30 tamas ka io 50 irga a aoǁnâ ǁkhā.

ǂGui khoen ǀkha Elob Gaosib xa hâ xoa-e ǀgoragu re. Xoa-e du ga ǁhûi o, o khoen di khaoǃhūga ǂâis ǃnâ ūhâ re. Khoe-i ga ǂguro saris ai ǃgâiǃgâibasensa ǁgau o, o du ge The Watchtower ǂkhanib, No. 2 2020ǁî kurib diba a mā ǁkhā. Tsî ǁgūtsâ re i du ǃhaese oasī ǁkhā tsî Elobmîs ǁkhāǁkhāsa tsoatsoa, ǁkhāǁkhās boksis ǃnâ hâ ǂkhani-e ra sîsen-ūse. ǀGūǁaeb ge Elob Gaosiba ǁîb ǃoagu hâ ǂhanugu hoaga nî dīkākā. (Dan. 2:44; 1Kor. 15:24, 25) Nē ǁaxasib ǃnâ da ge sida ǁkhāsib hoab ǀkha nî ǁhao, i da sida ǂgomǂgomsasiba Jehovab tsî ǁîb Gaosib ǃoagu ǁgau.