Gaosib aoǁnâ-aon skoli ǃnâ du nî xoaǂgāsen?

ǀOasa ǁaeba du aoǁnâ sîsenni ǃnâ ra sîsen, tsî du 23 tsî 65 kurigu ǃnâ hâ? Sadu ǂurusiba ǃgâi-e tsî ǂhâsib hâ ba du sī a sîsen ǁkhā? Îo di du ga ǃeream o, ǂâiǃgâ du hâ Gaosib aoǁnâ-aon skoli ǃnâ xoaǂgāsensa? ǂGuro klas ge tsoatsoasa xun ge, ǃgamme hâ ǃgâsan tsî ǃgamme taman tsîna ge re xoaǂgāsen. Xawe ǃgamme tama hâ ǃgâsagu ge a ǂhabasa îgu xoaǂgāsen. Jehovaba toxoba ǂgan re, îb turaba māgo, îgo ǁîb ǂâisa dī. Tsî ǁîb ôaba ǁgae. (Psa. 40:8; Mat. 20:28; Heb. 10:7) Toxoba ǂâiǃgâ re, îgo, ǀnî hâ sîsenna ǀoroǀoro tsî ǀnî ǂgaoǀkhādi tsîna, îgo ūǃoahe.

Mâ ǀgaugu tsî ǃkhaidi ǃnân ge ǁnān hîna nē skoli tawa ge re ǁkhāǁkhāhena toan ge o sîsen tsoatsoa? ǀNîn ge ǀkhara gowagu ra ǃhoahe ǃhūgu ǃoa ge sîhe. Tsî ǀnîna troli sîsenni ǁgaumâide ge māhe. ǀNî ǃgâsagu ge ǃnarimâra hui-ao tsî mûǂam-aose ǁgaumâisa tsî sîsabeses tsîna. Jehovab di ǃoabas ǃnâ du tae-e nî dīsa du ra ǂâiǃgâ hîna, kēbo-aob Jesajab di mîdi xa ǂâi re, “nē ta a, tita sî re”.​—Jes. 6:8.

SÎSABEN GE AOǁNÂ SÎSENNI ǃNÂ RA SÎSEN DI HÂ VIDIOBA KŌ TSÎ SAO RA DÎDE ǃEREAM RE:

• 

  Sîsabena mati ra ǁhûihe?

• 

  Sîsabena tae ǃgâi sîsenna ra dī?

• 

  Sîsabe sîsenni ǀkhaega a tae?