Elobmîsa du ra ǁkhāǁkhāna hui re în ǁgai ǁnaetiga sîsenǂam

ǁNān hîna ǁîn tanisens ǃnâ ǃanun ge. ǀGū ǀhōsagusisa, Jehovab ǀkha ūhâ ǁkhā. (1Pet. 1:14-16) Elobmîsa ra ǁkhāǁkhāsen khoen ge. ǁGai ǁnaetigan ga ǀû o. ǃGâi omaris, ǃgâi ǂurusib. Tsî ǃgâi marisi mâsib tsîna nî hōǃâ.

Jehovab ǂhanugu ǀaib xa hâ ga ǃamkuse ǁguiǃā re. Tsî tae-i ǃaroma i a ǃgâisa. Jehovab ra mî khami dīsa. Sadu ra ǁkhāǁkhā khoena hui re. În ǁîn ǂâi ǀgauba dawa. On ge Jehovab ra ǂhâba xūna nî dī ǁkhā. (Efe. 4:22-24) ǂGomǃgâ kai nî re Jehovab huib ǀkhan ge. Gaixu ǁaeban dī hâ ǁgai xūna a ǀû ǁkhā. (Fil. 4:13) ǁKhāǁkhā nî re în Jehovaba ǀgores ǃnâ-ū ǀkhoma. ǁGai xū-en ga dī ǂgao o. Hui nî re în ǃâitsâb ǃnâ nî ǂgā nî mâsiga mûǃā. Tsî ǁnā xūna xū ǂgōsen. ǂKhâǃnâ nî re în ǃgâi sîsenǂuiba. ǁÎn ai nî ūhâ xūna dī. Tsî tsū xūna xu ū dawasen. Kai ǃgâiaǂgaoba du ge nî ūhâ. Elobmîsa du ra ǁkhāǁkhā khoen ga. Jehovab huib ǀkha ǀkharaǀkharana dī o.

SADU RA ELOBMÎSA ǁKHĀǁKHĀNA HUI RE ÎN ǁGAI ǁNAETIGA SÎSENǂAM DI ǀON HÂ VIDIOBA ǀHURU. TSÎ ǁNĀPAXU SAORA DÎDE ǃEREAM RE:

• 

  ǀHaohâb ǃûi-aogu tsî Neetas tsîna. ǂGomǃgâsiba mati Jades ǃnâ ge ǁgau?

• 

  Neetasa mati Jadesa ge hui?

• 

  Jadesa mati Jehovab ǃoa huiba ge ôa?