Tsēkorobe ûib di gā-aisiba JW.ORG internets ǂhaweb tawa hō re

Elobmîs ge ǂhâ da hâ xūn hoana ra mā da, î da nē ǀuniga tsēdi ǃgomsiga tani ǁkhā. (2Tim. 3:1, 16, 17) Xawe da ge ǁaeba xu ǁaeb ǀkha huiba ǂhâ hâ. Î da mâ mâsib hoab ǃnâ Elob daoǁgausa hō ǁkhā. Aiǁgause, ǁgûdu ase du mati ǀgôa-e du nî kaikai ǀgaus di daoǁgausa ra ôa? ǂKhamkhoe-i ase sa ǂgomsa ǃâitsâ-e? ǃOa î du ra, sadu aob tamas ka io sadu tarasa du ge ǁōb ǃnâ ǂoaǃnâ amaga? Jw.orgs tawa du ge ǁnā ǃgomsigu ai ǃgaoǃgaosa daoǁgaude a hō ǁkhā. Hîna ǃgomsigu ǃnâ a huidu ǁkhāna.​—ǂKhm. 2:3-6.

Jw.orgs di ǂguro ǂhaweb ai, BIBLE TEACHINGS di hâ ǃâba ǁgâi re. (ǂGuro ai-īsiba kō re.) ǁKhāǁkhāǃâdi ga ǁgausen, o du ge khomai ǂgao du ra xū-e a ǁhûi ǁkhā. Tamas ka io du ge ǂKHANINǁGÂUB > SAOGU RA ǃÂGU di hâ ǃâba a sari ǁkhā. Tsî khomai ǂgao du ra xū-e a ǁgâi ǁkhā. (ǀGamǁî ai-isiba kō re.) ǁKhā xū-i tsîna du ge JW Librarib^®.a tawa a hō ǁkhā. Nē hoa ǃâga ôaǃnâs ǃnâ-ū, du ge ǃgâiba a hō ǁkhā. ǀKhara xū-i dī ǁkhā du a i ge, ǂan du ka o tae-e du ra khomai ǂgaosa. O du ge ôa di hâ ǃâb tawa, jw.orgs ai xoa ǁkhā.

Saora xūn xa du ge a ôa ǁkhā. Tsî du ge ǁkhawa du ra khomai ǂgao xūna a xoaǁnā ǁkhā.

• ǀGôana kaikais

• ǂKhamkhoen ǂkhabuǂâis [depresib]

• ǁŌb ǃnâ ǃgamme khoe-e ǂoaǃnâs