XRISTEǁÎN ÛIǀGAUB
Dītsâ re i Elob di ǂâiǀgauba ǁkhāǁkhāsen
Jehovaba da ge ra koa ǂgao hoa xūn hîna da ra dīn ǃnâ. (ǂKhm. 27:11) Nēsa dīs ǃaroma da ge mîǁguiga nî dī, ǁîb di ǂâiǀgauga ra ǁgauǂuiga. Nēsi i ga ǃgāsa daoǁgaude hâ tama i xawes tsîna. Tae-e nî hui da nēsa dīsa?
ǃKhōǀgara re, Elobmîsa hoaǁae ǁkhāǁkhāsensa. Elobmîsa da ra khomai ǁaeb hoab ai, î ge Jehovab ǀkha da ǁaeba ūhâ khami i. ǁKhāǁkhāsen ǁkhā da ge a matib Jehovaba ra ǂâi ǀgausa. ǁÎb khoenab gere hâ-ū ǀgausa da ga kō o. Tsî da ga ôaǃnâ o, aiǁgaudi hîna ge tsūn tsî ǃgâina gere dīna ǁîb mûǁae. Mîǁguiga da ga dī o, o i ge ǃanu gagaba nî hui da. Î da ǂhâǂhâsa ǀapemāde ǂâihō, hîna da Elobmîsa xu ǁkhāǁkhāsen hâde.—Jhn. 14:26.
Ôaǃnâsa dī re. Mîǁguiba du ga dī o, dîsen re, ‘mâ ǁaraǃās tamas ka io ǃnaeǃkhaisa a hui te ǁkhā, î ta ǁnâuǃā matib Jehovaba nē mâsib xa ra tsâsa?’ Jehovab huiba ǀgoreba re, tsî ǁnāpaxu gagasi xūn hîna sadu gowab ǃnâ hâna sîsenū re î du huihe. Tsî ǁnāpaxu Elobmîs daoǁgaudi hîna sadu mâsib ǃoagu hâna sîsenū.—Psa. 25:4.
“ǁAPOSA MÂǃKHARUS ǀKHA ǃKHOE”—ǃGÂI ǂURUSIB DI ǂÛNA ǂÛ RE, TI ǀON HÂ VIDIOBA ǀHURU. TSÎ ǁNĀPAXU SAO RA DÎDE ǃEREAM RE:
Mâ ǁgâibas ge ǂkham ǃgâsas hîna go vidiob ǃnâ hâ isa gere hōǃâ?
Mati i Elobmîs ôaǃnâs xūna a hui du ǁkhā î du ǁnāti i ǁgâiba mâǃoa?
Mati da ǃgâiba ra hō ǁaeba ū tsî da ga Elobmîsa aitsama ôaǃnâ o, î da ǃgâi mîǁguiga dī?—Heb. 5:13, 14