Jesub di ǁōb ǂâiǂâisens ǃgao ǀape re

Mâ kurib hoaban ge Jehovab khoena ra mûǂui, Jesub di ǁōb ǂâiǂâisensa ǀguiba hâǀhaosa. Jesub di ǁōb ǂâiǂâisens di wekheb tsî ǁnās khaoǃgâ, da ge ǀō-aisa aiǂhanuba ra ū. Î da koa tsî gangan Jehovaba, ǁîb di xoremarib di ǀkhaeb ǃaroma. (Efe. 1:3, 7) Aiǁgause da ge ǃgarise ra sîsen î da nauna Jesub di ǁōb ǂâiǂâisensa ǃoa ǁkhau. ǀNîn ge ǀkharaǀkharana ra dī în ǁnās ǀkha huiǃnâra aimâba-aose xoaǂgāsen. Tsî 30 tamas ka io 50 īrga Maarti tsî Aprili ǃnâ dī ǁkhā. Sadu tsîna ǃnāsase aoǁnâ sîsenni ǃnâ ra dī ǂgao, Jesub di ǁōb ǂâiǂâisens ǁaeb ǃnâ? Tae-e a hui du ǁkhā î du ǁnāsa dī?

ǃNāsa ǁaeba da ge ǃnāsa-e a dī ǁkhā, ǁaeb ais ai da ga aiǂhomisen o. (ǂKhm. 21:5) ǀAse i nî Jesub di ǁōb ǂâiǂâisensa tsoatsoa amaga î ge nēba a ǁae aiǂhomisen tsoatsoas diba. ǂÂiǃgâ re mati du noxoba aoǁnâ sîsenni ǃnâ ra dī ǂgaosa, Jesub di ǁōb ǂâiǂâisens ǁaeb ǃnâ. Tsî mîǁgui re tae-e du nî dīsa î du ǁnā ǀapeǁguiba sīǃnâ. Tsî ǁnāpaxu Jehovaba ǂgan re îb sadu dītsâde ǀkhae.—1Jhn. 5:14, 15.

ǂÂi ǁkhā i du a ǀnî hâ ǀgaugu hîna du aoǁnâ sîsenni ǃnâ. ǃNāsase Jesub di ǁōb ǂâiǂâisens ǃnâ a dī ǁkhā gu xa?