JW.ORGS oms ǂhaweba, aoǁnâ sîsenni ǃnâ sîsenū

Sida internets oms ǂhaweb ai i ge vidion tsî ǀnî hâ xūn tsîna ra ǃhoaǃgaohe. Jehovaba ǃoaba tama khoena a hui ǁkhāna. (ǃNǃkh. 13:48) ǀNî ǁaegu ai i ge ǂhôan ǃnâ hâ xūn tamas ka io khoen ra ǂâi tsî ǃhoa xūna ra ǃhoaǃgaohe.

Mati du jw.orgs oms ǂhaweba, sadu aoǁnâ sîsenni ǃnâ a sîsenū ǁkhā?

• ǁAeba xu ǁaeb ǀkha nē ǂkhiniba kō re. ǃGaoǃgâ re “ǁgauǂuisa” di hâ ǃâb ǃnaka. Tsî ǂâiǃgâ re mati du ǁnā ǃâba ǃgâiǃgâibasensa ūhâ khoe-i ǀkha sîsenū ǁkhāsa. (ǀNî hâ xūn hîna sida internets ǂhaweb ai ǁgauǂuisana mûs ǃaroma “ǃnāsana mû re” di hâ ǃâb tawa ǁgâi re.) ǁAeba xu ǁaeb ǀkha da ga internets ǂhaweb ai hâ xūna kē. O da ge ǀasa ǀgaub aoǁnâs diba nî hō.

• Vidion tsî ǀnî xūn hîna oms ǂhaweb ai ǁgauǂuisana sîsenū re, ǃhoaǀhaosa tsoatsoas ǃaroma. Nē xūn ge a huida ǁkhā î da ǂan, sida ra hâ ǃkhaib ǃnân khoena taen xa ra ǂâisa.

• Khoena oms ǂhaweba ǁgau re. ǀNî hâ xūna ǃhoaǃgao tsî khoena ǁgau re, matin nē xūna sida internets ǂhaweb ai a hō ǁkhā ǀgausa.

• Linka ǀgoragu re. ǀNî khoen ge sida ǀkha ǃhoa ǂgao tama xawe sida internets ǂhaweba ra sari. ǁNā-amaga da ge tā nî înganǀgē ǃgâiǃgâibasensa ūhâ khoena sida oms ǂhaweb ai hâ ǂkhini-i tamas ka io vidio linkana sîbasa.