Ti ǂkhîsa ûiba Jehovab di ǃoab as ǃnâ

Sao ra kurib ǃnâ gu ge ǃgâsaga Betels omarisa ge mîba. Suid Afrikab di ǁnâub beros ǃgâsan hîna ǁnāpa nî huina ǂhâ hâsa. ǀAsa ǁgâi ǃkhaidi gere tsoatsoahe amanga. Ti ǀonsa ta ge ǁnāpa ge xoamâi. Tsî ta ge kaise ge ǂkhî hâ i, ǁhûihe ta ge o. ǃNona Kanadab di Betelitan tsîn ge ge ǁhûihe. ǁÎgu ge ge Dennis Leech, Bill McLellan tsî Ken Nordin. Tsî gege ge mîbahe gaxuse ge Suid Afrikab ǃnâ nî sī hâsa.

Ti masa bel tsî ta ge nēti ge mîbasi. “Ti ma ǂhôa-e ta ge ūba du hâ. Suid Afrikaba ǃoa ta ge ra ī.” Ti mas ge ǃnōsa kaikhoe ge isa. Xawe ge ǀgaisa ǂgoms. Tsî ǀgū ǀhōsagusisa Jehovab ǀkha ge ūhâ i. ǁÎs ge kaise ge ǃhoa tama hâ i. Xawe ta ge ge ǂan i. ǁÎs ra ǂkhâǃnâ tesa. Ti ma hâra ge ǃgâi tamase gere tsâ. ǃNūse ta ra sī hâ amaga. Xawe ra ge ū ta ge mîǁguiba ge ǁkhae tama hâ i.

SUID AFRIKABA ǃOA TA GE RA Ī

Brooklyn Betels tawa gege si haka ge. ǃNona ǁkhâga ǂkhanin ǁgâis xa gere ǁkhāǁkhāhe. Tsî gege ǂgaus ai ge ǂoa Suid Afrikaba ǃoa ra īsa. ǁNā ǁaeb ai ta ge ge 20 kurixa i. ǃUi ǁaeb ge ge i. Trainsa gege Cape Towna xu Johannesburgsa ǃoa a ū o. ǂGuro ǃkhais hîna ge ge mâs ge. Karoo di ǀon hâ ǃās tawasa. Tsaura ǃhūba ge ūhâ i, ǃās ge ǁnāsa. ǁÎs ge tsauraxa tsî kaise ge ǀgamsa i. Si haka ge ge venters ǃnâ-ū kō. Tsî gere mî, mâ ǃāsa nēsa? Tsî ge gere mî tae-i ǃnâ ge go ǂgāsensa. Kurina ǃkharu tsî ge gege ǁnā ǃāde sari o. O ge gege mûǂan, ǁnā ǃārodi sâsa tsî ǂkhîba ūhâsa.

Tita ge kurirona gere dī sîsen-i ge. Xoara masinsa aiǂhomisa. Î-i ǃKhē xu ǂgō-ommi tsî Awake! ǂkhanikha ǁgâihe ǁkhā. ǁNā beros ge nē ǂkhanikha ǂgui Afrikab gowagu ǃnâ gere ǁgâi. Suid Afrikab ǀguis ǃaromas ose. Xawe ǃkharagagu ǃhūgu ǃaroma noordes ǀkhāb ai. Sida ge kaise ge ǂkhî i. ǁNā masindi ge ǃgâise gere sîsenūhe ǃkhais ǃaroma.

ǁNāpaxu ta ge ǀnî hâ beros hîna ǁgâis, ǂkhanina sîǂuis. Tsî ǂnûiǃkhunisa gere kōǃgâs tawa gere sîsen. Kaise ta ge gere sîsen. Tsî ti ûib ge ǂâibasensa ge ūhâ i.

ǃGAMMEB TSÎ ǀASA ǁGAUMÂIS

Tita ge 1968ǁî kuri aimâba-ao ǃgâsas hîna. Laura Bowens hîna Betels ǀgūse gere hâs ǀkha ge ǃgamme. ǁÎs ge ǂnûiǃkhunis di beros tawas tsîna gere sîsen. ǁNā tsēdi ǃnâ i ge mîǁgui-e ge ǀkhai i. ǀAese go ǃgamme toa ǃgâsan Betels tawa nî hâsa. ǁNā-amagam ge ǀō-aisa aimâba-aose sîsensa ge mā-amhe. ǂKharirose ta ge gere ǂâiǂhansen. Disi kuriga ta ge hâǃkhais tsî ǂû-i tsîna Betels tawa gere māhe. Tsî ta mati ǀō-aisa aimâba-aose ta nî māhe marisa. ǂHâm hâ xūn ǃaroma nî sîsenū? Sim hoam ge N$25 dolaga gere ǃkhōǃoa. (ǁNā ǁae $121 dolaga) mâ ǁkhâb hoaba. Tsî ǁnās ge ǂhâbasa irgu, ǁkhawa saridi. Tsî ǂkhanina māǂuisam ga sîǃnâ o. Tsî ǁnā maris ǀkhab ge sim ra hâǃnâ ǃkhaisa matare. Tsî ǂûna nî ǁama tsî ǃnari ūb ra audosa nî matare. Tsî ǀaeǃkhōdi tsî ǀnî hâ xūn tsîna ga matares ge.

ǁGaumâiheb ge ge îm aimâba-aose sîsen. Durbani ǃnâ, Indiab hurib ǀgūse. ǁNāpan ge ǃnāsa ǃgôab khoena Indiab gowaba gere ǃhoa. ǂGuin ge sîsen-aon hîna ge 1800 kuri ǃnâ. Suid Afrikaba ǃoa a īn, di ǀgôana. Tsî suikeri ǃhanagu ǃnâ gere sîsena. ǀNî hâ sîsengu tsînan ge ge ūhâ i. Xawen ge ǁîn di ǃhaosi ǀgaugu, ǂûn ra sâihe ǀgaub. Tsî ǁkhoaxa ǁgan-e sâisa noxoba gere dī. Tsîn ge English gowaba gere ǃhoa. Tsî ǁnās ge gere ǂâibasen ǀnî hâ. Gowa-em ǁkhāǁkhāsen tidesa.

ǀŌ-aisa aimâba-aon ge gere ǂgaoǀkhāhe. În 150 irga mâ ǁkhâb hoaba aoǁnâ sîsenni ǃnâ, aoǁnâ. ǁNā-amagam ge Laura hâma ge mîǁgui 6 irga dīsa. ǀGamsa tsî i ge karasa mâsiba ge hâ i. Tsîm ge ǁkhawam nî sari khoe-e ge ūhâ tama i. Tsî Elobmîsam ra ǁkhāǁkhā khoe-i tsîna ūhâ tama hâ i. ǁNā-amagam ge 6 irga omsa xu oms ǀkha gere aoǁnâ. Tsoatsoam ges khaoǃgâ, ta ge ti ǁaeǃgôasa ge a kō. Tsî i ge 40 haigu ǀguiga ge ǃkharu hâ i. O ta gere ǂâi, matim ǀō-aisa aimâba-ao sîsen-e nî dī hōsa?

ǀGūǁaem ge ǃgâi ǀapena ge dī tsoatsoa. Mâ tsēs hoasam ge pere-i tsî so-i tsîna gere aiǂhomi. Tsî kofi-i tsîna termob ǃnâ gere ǀoaǀoa. Tsî gere ū sao tsî sâro ǂgaom gere o. O sim di audorosa sommi ǃnāka gere ǂgae mâi. ǀNî ǁaegu ain ge îsa Indiab ǀgôarona gere mâ ǂnamipe mî. Tsî gere kō mi ǀkhara dim gere mûsen amaga. Tsērodi khaoǃgâb ge ge mûǂan. ǀGui tamas ka io ǃnona irgu khaoǃgâ. Îs ge hoa tsēsa ǃhaese a ǃkharu ǃkhaisa.

Kai ǂkhîb ge ge ī, Elobmîs di amaba ǃhaokhoeǃkhōǃoaxa khoen ǀkha ǀgoragusa. ǂAnǂuim ge ge Indiab khoen ge kaise ǃgôasiba ūhâ isa. Tsîn ge ǀkhomxaǃnâ tsî Eloba ǀnam isa. ǃNāsa Hindun ge ǃgâiǂhôasa ge ūǃoa. ǁÎn ge kaise Jehovab, Jesub tsî Elobmîs tsîna ge ǀnam i. Tsî hānîǁae ǃhūbaib ai nî hâse ī ǂkhîb. Tsî ǃâubasens ǁō hân di khâis xa ǁkhāǁkhāsens. Xa kaise ge ǃgâibahe i. Kurib khaoǃgâm ge 20 khoena Elobmîsa gere ǁkhāǁkhā. Mâ tsēs hoasam ge. Elobmîsam ra ǁkhāǁkhā omaris khoen ǀkha. ǀGuiba gere ǂû ǀhao. Kaisem ge gere ǃgâiaǂgao.

Tsîm ge ǁkhawa ǀnî ǁgaumâisa ge māhe. Sîǂuiheb ge ge, îm ǃnarimâ sîsen-e dī. Îsa Indiab hurib xōǀkhā. Mâ wekheb hoabam ge ǃhaokhoese ǃgâsan omdi tawa gere hâ. Tsî ǃgâsan ǀkha ǀgui aoǁnâ sîsenni ǃnâ gere sîsen. Tsî ǁîna ra ǂkhâǃnâ. Nē ǃgâsan omaridi ǃâ kaim ge ge. Tsîm ge ǁîn ǀgôan tsî ariron ǀkha hâs xa ge ǁkhoaxabahe i. ǀGam ǂoaǂamsa kuri kha ge ge ǃkharu. Tsîm ge ǃâubasen tamam hâ hîna, ǁnâub berosa xu ge belhe. ǃGâsab ge ge mî: “ǁKhawa ro ge Betelsa ǃoa nî oaǀkhī.” O ta ge ǃeream tsî mî. “Sim ge kaise a ǁkhoaxabahe aoǁnâ sîsenni xa.” Ama as ge sim ge māsenxa isa. Îm ǁgaumâiheb ra ǃkhai-i hoa-i tawa sîsen.

BETELSA ǃOA OAǀKHĪS

Ti ǁgaumâis Betels tawa ta ge ūhâ is ge. ǀHaohâgu ǀkha sîsensa ge ǃkhōǂgā hâ i. Tsî ta ge aiǂhanuba ge ūhâ i. Gagasise a ǀgaisa ǃgâsagu ǀkha sîsensa. ǁNā tsēdi ǃnâb ga ǃnarimâra mûǂam-aoba ǀhaohâba sari toa o. Ob ge ǁnâub berosa ǃoa ǃnuriba gere sî. Tsîs ge ǀhaohâgu ǀkha ra sîsen departemensa. Sîǂkhani-e ǀhaohâga gere sîba. ǃNarimâra mûǂam-aob mā hâ ǃnurib ǃoagu. Nē sîǂkhanidi ge ǂkhâǃnâs ǃaroma gere sîhe. Tsî ǂhâbasa daoǁgaudi ǃaromas tsîna. Sida xoa-aogu ge kai sîsen-e ǁnās ǃaroma ge ūhâ i. Hîna ge Xhosab tsî Zuluba xu English ǃnâ gere ǂnûiǃkhuniga. Tsî ǁnāpaxu Englishsa xu ǀnî hâ Afrikab gowagu ǃnâs tsîna gere ǂnûiǃkhuniga. Kaise ta ge ǃgarise gere sîsen ǂnûiǃkhuni-aona ra gangan. Hîna ge tita tsîna a huina î ta ǁnâuǃā. Afrikab ǃgâsan ra hōǃâ ǃgomsina.

ǁNā ǁaeb ǃnâ ge Suid Afrikab ǃnâ hâ i. Khoen ge ǃhao ǀgoras ǂhanub ǃnāka ge hâ i. Mâ ǃhaos hoas ge, ǁîs gere hâ, ǀkhāba ge ūhâ i. ǁNā-amaga i ge ǃkharagaǃnâgu ǃgâsana ǀguiba ǀhaosa ge ī ǁoa i. Afrikab ǃgâsan ge ǁîn gowaga gere ǃhoa. Tsî ǁîn di gowagu ǃnâ gere aoǁnâ. Tsî ǁîn gowab ǃnâ ǀhaohâb ǀhaode gere hâǃnâ.

Tsî ta ge ǃnāsa Afrikab ǃgâsana ge ǂan tama hâ i. Tita ge ǁgaumâihe hâ i. ǀHaohâb ge hoaǁae English gowaba gere ǃhoa amga. Xawe nēsisa ta ge ǃēsa ge ūhâ i. Î ta Afrikab ǃgâsan ǀgaugu tsî ǁnaetigu xas tsîna ǁkhāǁkhāsen. ǁKhāǁkhāsen ta ge ge ǃgomsin hînan ge ǃgâsana ūhâ ina. ǃHaodi tsî kerkhegu xas tsîna ǃaromahe hâse. Kaisen ge ge ǁkhoaǂgao i. Elobmîs ǀkha ǃgûǀhao tama ǁnaetiga xu, ǃnora kaisen ǃaroma. Tsîn ge ǃgâi tama gagagu ǁnaetiga saos tsîna ga ǀû hâs ge. ǁÎn Omaridi khoen xan ga mâǃoahe. Tsî hâǃnân gere ǃādi khoen xas tsîna o. ǂKhari ǃārodi ǃnân ge khoena kaise ge ǀgâsa i. ǀNîn ge skol-e ge ǂgâ tama hâ i. Tamas ka io ǂkhari ǂansa ge ūhâ i. Xawen ge Elobmîsa ǃgôasiba ge ūhâba hâ i.

Aiǂhanuba ta ge ge ūhâ i. Î ta sida ǃgâsan hîna ǀkhā-e ge ǁhûi tama hâna ǁkhauba. Kaise i ge, ti ǂgomsa ge ǀgaiǀgai mûsa. ǂGomǂgomsasib tsî ǁkhoaǂgaosib ǁnā ǂkham ǃgâsan gere ǁgauba. Skola xun ge ǃhaehe xawe. Dīhe gere ǀgoredi tsî ǁnae-amden ge dī tama i amaga.

ǃGâsan ge ǁkhawa ǀnî hâ ǃgomsiga gere hōǃâ. Afrikab ǃnâ hâ, ǂkhari ǃhūrob Swaziland di ra ǂgaiheb ǃnâb. Ge Gao-aob Sobhuzab ge ǁō. On ge hoa khoen hîna ǁnāpa gere hâna gere ǂgaoǀkhāhe. În ǁō hâ khoena ǃoaba. Tsî aorekhoegu ge ǁîgu ǀûna nî ǂkhom. Tsî tarekhoedi ge ǁîdi ǀûna ǃnuburose gere ǂkhom kaihe. ǃGâsan tsîn ge kaise gere ǁgâiǀāhe. ǁNā xūnan ga dī tama hâ io. Nēs ge ǁō hâna ǃoabas tsîna ge ǃkhōǂgā hâ i. ǁÎn di ǂgomǂgomsasib Jehovab ǃoagun ge ūhâ îb. Ge sida kaise gere ǂkhî kai. ǂGomǂgomsasib tsî ǃnūǃnâxasib tsîna da ge Afrikab ǃgâsana xu ge a ǁkhaǁkhāsen. Nē xūn ge sida ǂgomsa ge a ǀgaiǀgai.

ǂKHANIN RA ǁGÂIHE ǃKHAIB ǃNÂ TA GE ǁKHAWA GE SÎSEN TSOATSOA

Tsî ta ge 1981ǁî kurib ǃnâ ǁgâisa ǃâb ǃnâ ǁkhawa ge sîsen tsoatsoa. Komputerdi tsî ǁgâis sîsenni ǀkha ta ge gere hui. Kaise ge ǁkhoa i ǁaeb ge ǁnāpa. ǂKhanina ǁgâis ǀgaugu ge ǃhaese gere ǀkharaǀkharahe. ǀNî ǁamaxū ǃkhaiba ra ǂnûiǁkhaeba khoeb ge. ǁNâub berosa ǀasa masina ge mā. În dītsâ mari-e matare tamase. ǁNās ge gere ǂâibasen, î da 9 masinde ǀasa korodi ǀkha ǃkhōǃkhuni. Tsî i ge dawasen ra masins tsîna gere sîsenūhe. ǀNai da gere ǁgâis xa da ge ǃnāsase ge ǁgâi tsoatsoa.

Komputerdi tsîn ge ge hui da, î da ǀapena dī. Tsî da mati xoasa xūna ǂhawegu ai nî ǁgâisa. Tsî nēs ge MEPS di ra ǂgaihe program ǃnâ-ū gere dīhe. Texnoloxib ge kaise aiǃgû hâ. Sida ge Kanadaba xu Suid Afrikab ǃoa hās khaoǃgâ. (Jes. 60:17) ǁNā ǁae gege si haka ge. Gagasise a ǀgaisa aimâba-ao ǃgâsade ge ǃgamme. Tita tsî Bill hâ kom ge noxoba Betels ai gere sîsen. Keni tsî Dennisi tsîn ge ǀgôana hō tsî ǁîga di omaride gere kōǃgâ.

ǂGui sîsen i ge ǁnâub beros tawa ge hâ i. Elobmîs ai ǃgaoǃgaosa ǂkhanin ge gere ǂnûiǃkhunihe. Tsî ǂgui gowagu ǃnâ gere ǁgâihe. Tsî i ge ǀnî hâ berodi ǃoa gere sîhe. ǀAsa sîsen ǃkhaib ge ge ǂhâbasa i. ǃGâsagu ge sîsen ǃkhai-e westeb Johannesburg dis tawa ge om. Tsîs ge nē ǃkhaiba 1987ǁî kuri ge māǁnâhe. Kai aiǂhanu ge îb ge. ǁNā sîsengu ǃnâ ǃâ-e ūhâsa. Tsî ta ge ǂgui kurina ǁnâub beros ǁanib. Ase gere sîsen Suid Afrikab ǃnâ.

ǀNÎ HÂ ǁGAUMÂSA TA GE GE MĀHE

Kaisem ge ge buru hâ i. 2001ǁÎ kuri ta ge Amerikab ǃnâ ǀasase ge ǁgaumâihe ǁnâub ǁanigu ǀguib ase ge sîsen tsoatsoa. Kaisem ge gere tsûaǂgao, sim sîsenni. Tsî ǀhōsan hînam ge Suid Afrikab ǃnâ xūna. Xaweb ge kaise ge ǂkhî i. ǀAsa ûiba Amerikab betels tawa sī tsoatsoasa.

Xawem ge gere ǂâiǂhansen. Lauras mamas hîna kaira hâsa xu ǃnūse hâsa. ǃNāsa xū-em ge, ǁîsa ge dība ǁoa i, New Yorka xu. Xawe Lauras di 3 ǃgâsadi ge ge mî. ǁÎdi nî sorosi tsî marisi huiba māsa. ǁÎdi ge ge mî: “Sise tsîn ge ǀoasase a ǃoaba ǁoa. Xawese ga ti masa kōǃgâ o. Os ge sasa aiǃgû ǁkhā, sa ǁgaumâis ǃnâ.” ǁÎdem ge kaise ra gangan.

Ti kai ǃgâsab tsî ǁîb kaikhoes tsîn ge Torontos ǃnâ ra hâ. Tsî ti mas hîna ge ǃoatara isa gere kōǃgâ. ǁÎs ge 20 kuriga ǁîn ǀkha gere hâ. Kaise ta ge ra gangan ǀnammi hînas gere ǁîra xa māhes ǃgao. ǁŌs nîs aiǃâ tsî sim ge New Yorki ǃnâ sīs ǁaeb ǃnâ. Kai ǀkhaeb ge mâxōǀkhāgu ra omaris ǁanina ūhâsa. Hîna ǁîn di ûiga ra dawana. În naun di ǂhâsiga kōǃgâ. Tsî ǀnî ǁaegu ais ge ǁnāsa a ǃgom ǁkhā.

ǂGui kurinas ge ti ǁgaumâisa Amerikab ǃnâ ǂkhanin ra kuruhe ǃkhaib tawa ge hâ i. Tsî ǁnās ge ǀasa kaihe tsî supusupuhe hâ. Nēsi ta ge ǁamas department ǃnâ ra sîsen. Kai aiǂhanub ge 20 kurina nē beros tawa sîsensa. Tsî nēsisa 5000 Betel omaris ǁanin ge nēpa ra hâ. Tsî 2000 hui-aon tsîna ūhâsa.

60 Kuriga ǃkharu tsî ta ge ga ǂâi tama hâ. Nēpa ta nî hâ ǃkhaisa. Lauras ge ǂgaoba xu ra ǂkhâǃnâ te. Nē kurigu hoa ga. Ti ûiba ge kaise a ǀō-aisa. Tsîm ge ra ǃgôaǃgâ ǂgui ǃkharagagu ǁgaumâidi hînab ge ūhâ i de. Tsî hoa ǃgâi ǃgâsan hînab gere sîsenūn tsîna. Tsî ǃhūbaib ǂhawasem gere sari ǁnâub berodi ǃgâsan tsîna ǃkhōǂgā hâse. Nēsi ta ge a 80 kurixa. Tsî ti sîsengu ge ǀoroǀorohe hâ. ǂGui ǂkham ǃgâsagu ge hâ sîsenga nēsi a kōǃgâ ǁkhā.

Psalmdi xoa-aob ge sao ra-e ge a xoa: ‘ǃGâiǃōs ge hâ ǁnā ǁaes Eloba, Jehovase ūhâna.’ (Psa. 33:12) ǁNās ge kaise a ama. Kaise ta ge ra ǃgâiaǂgao. Jehovab ǂkhîxa khoen di ǃgâiaǂgaob ǃnâ ǃâ-e ūhâsa.