Aibekam ǁorena ǀariǂuis

Sida ǁoren ge Jesub ge ǁîb ǀaob ǀkha ǁguiba xoremarib ǃnâ-ū ǀgui a ǀûbahe ǁkhā. (Efe. 1:7) Xawes ge Elobmîsa ra mî: ‘ǁÎb di taniǀnamxasib ǀkhab ge aibekam surib di ǁorena ge ǀariǂui,’ ǁnās ge Jesub ge xoremariba mās aiǃâ ge dīhe. (Rom. 3:25) Matib ge Jehovaba ǁorena ǀûba ǁkhā î, xoremarib nî matarehes aiǃâ tsî ǁkhā ǁaeb ai ǂhanu-aisiba ǃkhōǀgara?

Jehovab ge ǁîb tsî ǁîb mîmâidi ǃnâ ra ǂgom khoena nî ore “suriba” ge mîmâi. Nē mîmâisab ge dī, o i ge ǀnai i mataresa khami ge ī-i. (Gen. 3:15; 22:18) Elob ge ǂgomǃgâsiba ge ūhâ i, ǁîb ǀguise ǃnaehâ ǀGôab māsenxase xoremariba ǂhanu ǁaeb ai nî māsa. (Gal. 4:4; Heb. 10:​7-10) ǃHūbaib aib ge hâ i, ob ge Jehovaba, Jesuba ge mā-am îb ǁorena ǀûba xoremarib nî dīhes aiǃâ. Jesub ge ǁorena ge ǀûba ǁkhā i, ǁîb nî mā ǁguibas ǁîn ǁorena nî ǃgū-ai amaga.—Mat. 9:​2-6.