ǂHanuoǃnâsib ǃnâ mâǀgais

Genesis 37:​23-28; 39:​17-23 sa khomai tsî Josefi aiǁgaus ǂhanuoǃnâsib ǃnâb ge mâǀgaisa xu ǁkhāǁkhāsen re.

Hoa amaba oaǃnâ. Tae-i ǃaroman khoena Josefa ǂhanuoǃnâse gere hâ-ū? (Gen. 37:​3-11; 39:​1, 6-10) Matikō gaxuseb ge Josefa nē ǂhanuoǃnâsiba ǃkharuǃnâ? (Gen. 37:2; 41:46) ǁNā ǁaeb ǃnâb ge Jehovaba Josefa tae-e dība tsî tae-eb ge dī tama hâ i?—Gen. 39:​2, 21; w23.01 17 ¶13.

ǃGamse ôaǃnâ. Elobmîs ge mî tama Josefi ge Potifari taras gere ǂgā-ambi ǂhumiba ǃkhamǃoa ǃkhaisa. Saora xoade sîsenūsa mati nî huida ǁnâuǃāsa Josefi ge tae-i ǃaroma ǃkhamǃoa tama hâ isa? (ǂKhm. 20:2; Jhn. 21:25; ǃNǃkh. 21:37) Mâ ǀgauga Josefa ge hui îb ǂhanuoǃnâsiba mâǀgai?—Mix. 7:7; Luk. 14:11; Jak. 1:​2, 3.

Taena da ra ǁkhāǁkhāsen. Dîsen re:

• ‘Mâǃnôa ǂhanuoǃnâsiba ta tida a ǃkharuǃnâ ǁkhā Jesub di ǁkhāǁkhāsabe-i ase?’ (Luk. 21:​12, 16, 17; Heb. 10:​33, 34)

• ‘Mati da aiǂhomîsen ǁkhā ǂhanuoǃnâsigu ǃnâ mâǀgais ǃaroma?’ (Psa. 62:​7, 8; 105:​17-19; w19.07 2-7)